WAAR-دهۆك:
ژ ده‌ستپێكا خوه‌نیشاندانێن ئیراقێ 340 كه‌س هاتینه كوشتن، هه‌ژمارا برینداران ژی ژ 16 هزار كه‌سان ده‌رباز بوویه.
ل گۆری كۆمسیۆنا مافێن مرۆڤی ووه‌زاره‌تا ساخله‌میێێ یا حكومه‌تا ئیراقٍێ، زیانێن گیانی یێن خوه‌نیشاندانێن به‌غدا و پارێزگه‌هێن باشۆر و ناڤه‌راست به‌ر ب زێده‌بوونێ چووینه و داوی ئامار ئاماژه ب كوشتنا پتری 340 خوه‌نیشانده‌ران و برینداربوونا پتری 16 هزار كه‌سێن دی دكه‌ت.
هه‌روه‌ها هاتیه: تنێ ژ 12ی ڤێ مه‌هێ 8 خوه‌نیشانده‌ر هاتینه كوشتن و پتری 200 خوه‌نیشانده‌ران ژی بریندار بووینه.
كۆمسیۆن و ژێده‌رێن ساخله‌میا ئیراقێ دیاركرینه، قوربانیێن خوه‌نیشاندانان هه‌موو ب ته‌قه‌یا پۆلیسان و بكارئینانا بۆمبێن غازا رۆندكرێژ هاتینه هنگافتن.
