ژ جەرگێ ئەنقەرە و ئامەدێ بۆ ھەولێر و ئامێدییێ

ژ جەرگێ ئەنقەرە و ئامەدێ بۆ ھەولێر و ئامێدییێ
عەدنان محمد تاهر زێبارى
سیاسەتکرنێ دا ھەر کەس و لایەنەکێ ئامانجەک دیاری کری ھەیە، ھەر لایەنەک سیاسەتەک تایبەت ب خۆ ھەیە بۆ سەرخستنا بەرنامە و پروگرامێ دارێتی، لێ گرنگە ئەنجام و بەرھەمێ ڤێ سیاسەتێ گرنگی بھێت وەرگرتن، ھەلسنگاندنەکا لوژیکی بۆ بھێت کرن نەک عاتفی، ھەردەما بەرھەم و دەسکەفتیێن باش ھەبوون کە خزمەت مروڤاتی بکەت دیارە سیاسەتەک سەرکەفتیە، بەروڤاژی ھەردەما زۆرترین زەرەر ھەبوو، دیارە سیاسەتەک فاشلە و پێدڤی پێداچوونە.
یا مەبەست ئەوە ئەگەر بەرێخودانێ بۆ سیاسەتا (پەکەکە و ھەدەپە) باکۆرێ کوردستان بکەی دێ بینی دەمەکێ دا پێشڤەچوون خۆ دیتیە و تا ئاستەکێ باش دەسکەفتی ھەبوونە، نموونە پشتی دەستیری دان حکومەتا تورکیا ب بەشدارییا ھێزێن کوردی ھەلبژارتنان دا ڤێرە ھەدەپە ب رێکێن مەدەنی شیا بەشداری ھەلبژارتن بکەت، ب رێکێن ھەلبژارتنان شیا وەکێ ھێزەکا باندۆر تا ئاستەکێ باش رۆلێ خوە بگێریت و دەسکەفتی ھەبوون، شیا ناڤا جەرگێ پەرلەمانی ئەنقەرە خەباتێ بێ ترس بکەت، چەندین پلەیێن بلندێن ئیداریی ناڤا حکومەتێ وەرگرتن، ھەر دیسان بگرە پرۆسا ئاشتی کە زۆر مافێن کوردان تێدا دیاری کربوون، کە بەرێ ھێلا سۆر بوون، ژ بلی ڤێ مفا بۆ پارچێن دیێن کوردستانێ ھەبوو، بەروڤاژی چەک ھەلگرتن ژ لایێ پەکەکە کە جارەکا دی ڤەگەریان بۆ ناڤا چیاێن ھەرێما کوردستان زەرە کریە، راستە لایەنێ دەسەڵاتدار تورکیا تیشی کێشە و شەپرزەی کریە تەنانەت زەرەر کریە وەکی چەوا ئاکپارتی ھەلبژارتنا چووی باژێرێ ئیستانبۆل دەست دا، پرسیار ئەوە نەمانا پارتا ئاکپارتی چارەسەرە بۆ کێشا کوردی؟ بەروڤاژی ھەتا نوکە سەر بیت چ بەدیلەکێ باشتر ساحێ نیە، دیارترین وان زەرەر زیانێن شەری
١-ھزاران کەس بینە قۆربانی، دەھان ھزار کەس باکۆرێ کوردستان دەربەدەر بوون
٢- ھەر باژێر و گوندێن کوردان وێران بوون
٣- پەکەکە خەلکێ باکورێ کوردستان دیر کەفت
٤- تیروور ناساندنا پەکەکە ناڤا تورکیا و دەرڤە
٥- کێمبوونا دەنگێن ھەدەپە و دیسان دەستەسەرکرنا سەروک و ئەندامێن وان
گومان تێدا نیە ئەڤ سیاسەتا نھا یا تورکیا جھێ قەبیل کرنێ نیە ، یا ھەمیێ خرابتر ھەر رۆژ سنورێن ھەرێما کوردستان ب ھەبونا گەریلایا بۆمبەباران دکەت کە تێدا خەلکێ مەدەنی دبیت قوربانی، لایەکێ دی ھێرشێن وان بو سەر روژئاڤایێ کوردستان و داگیرکرنا عفرین جھێ شەرموزاریە ، ئەڤە ھەمی ژ ئەنجامێ ڤێ شەری ناڤبەرا پەکەکە دگەل تورکیا کە ئازراندیە کە دەست پێکێ وان شەر دەست پێکر ب کوشتنا دوو پولیسێن حکومەتێ. گرنگە بێژین ئەگەر نەشێی دوژمنی خوە دڤێت دوژمناتی لێ نەکەی! یا باشتر ئەوە بکەی ھەڤاڵی خوە دا پتر زەرەێ نەکەی و بشێی مفایی لێ بینی.
دەمێ پروسا ئاشتی باکۆرێ کوردستان کە روژەک مێژووی و زێرین دھات دیتن کە مام جلال و مسعود بارزانی تایبەت رولەکێ دیار تێدا ھەبوو ، پروسا ئاشتی ژ بلی کە شەر و خوین رێتن ھات راوستاندن ، کە بەرێ سەدان ھزار کەس بینە قوربانی ، ھەر ڤێ پروسێ وەکر کە حکومەتا تورکیا ھێدی ھێدی دان پێدان مافێن کوردان بکەت ھەرچەندە ئاستەنگی مەزن دھاتن درووست کرن ژ لایێ بەشەک تورکێن نەتەوە پەرست، ئەڤە دبیە واقعەک یا ڤێ پتر دسەلمینت ئالایێ کوردستان ئاشکرایی دھات بلندکرن، ھەتا کوچکا کمال ئەتاتورکی ئالایێ کوردستان ژ بۆی سەرەدانێن بەرپرسێن ھەرێم دھات دانان، ئەڤە پێنگاڤەک گرنگ بوو وی دەمی دا لێ ئەڤە بەس نیە.
پرسیار ئەوە بوو دەھان ساڵێن شەری ھەدارێ دکێشین بەس دان و ستاندن و رێکێن ئاشتی ھەدارێ ناکەین؟ کە دەمێ بوری شەری دا خراب و خرابتر ئەنجامێ وێ بوو چ دی لێ زێدە نەبوو، بەس رازی نابین ھەلبژارتنا باش کە تێدا چاڤەرێ بکەین بەلکی داھاتی باشتر ببیت. ئەگەر بێژین دەمەکێ کورت ھەمی داخازیێن کوردا بھێن جهـ وەڵاتەکێ وەکی تورکیا کە تژی مینن ئەڤە خەونە چونکی وەڵاتەکێ وەکی عێراقا لاواز باشورێ کوردستان نەشیایە ڤێ بکەت. جھێ پەکەکە نە ئامێدی یە بەلکی ئامەدە، ژبەر ھندێ گرنگە سیاسەتا خودا بچیتەڤە، لایەنێ سیێ ھەبیت کە رۆلێ ناڤبژیوانی رابیت بۆ ڤەگەراندنا رەوشێ بۆ بەرێ ئەویش حکومەتا ھەرێم وەکی لایەنەکێ نزیک و بەرژوەندی ھەڤبەش.
گرنگە بزانی تە چ دەست خستییە دەسکەفتیان بژمێری، نە ب تنێ مەشغولی ژمارتنا زەرەر و زیانێن خوە و بەرامبەر بی کە ئەنجام دا چ بەرھەم نەبیت. پرسیار ژ پەکەکە و ھەدپە ئەوە کە ساڵا ٢٠١٣ کیڤە بوون و ساڵا ٢٠١٩ کیڤەنە؟

بابه‌تێن ب ڤێ مژارێ ڤه‌ گرێدای