ژ بەسرا تا هەرێما کوردستانێ

کاروان سالح

خۆپیشاندانێن بەسرا ریێ رەشێ حکومەتا عیراقێ دیارکر، ئەو سەرەدەریا کرێتا حکومەتا عیراقی بەرامبەری سڤیلان دکەت بگرە ژ کوشتن و دەستەسەرکرنێ ل باژێرێ بەسرا جهێ شەرمزارکرنێ یە و بتایبەت بۆ وان لایەنێن ل سلێمانیێ خۆ بۆ عەبادی و حکومەتا وی یا دەستێ وان  ب خوینا گەلێ کورد سۆربی و نوکە ژی ل بەرامبەری هاولاتیێن بەسرا جهێ حێبەتی یە کو کەسەک هەبیت ل کوردستانێ بژیت و پشتەڤانێ ڤان فاسدێن عیراقێ بیت خودانێن عەقلیەتا پاشمای و توندرەو.
لديڤ ئامارا كومسيونا بلندا مافێن مرۆڤی ئەڤە ژ دەستپێکا خوپێشاندانان تا نهو نێزیکی ٢٧ کەسان هاتینە کوشتن کو ل ٩/٧/٢٠١٨ رۆژا دەسپێکرنا خۆپێشاندانان بوو و تا نهو د بەردەوامن و بشێوەیەکێ گەلەک کرێت سڤیل دهێنە کوشتن و چەندین بارەگایێن حزب و میلیشاتێن سەرب ئیرانێ ڤە هاتینە سۆتن ژ لایێ خەلکێ نەرازی.
بەسرا ئەو باژێرە یێ زەنگین ب گازا بن عەرد و جهێ وێ یێ ستراتیجی کو بازرگانییا عیراقێ دگەل جیهانێ گرێددەت، خەلکێ وێ یێ ژ فەقیریێ و نەبوونا کاری و خزمەتگوزارییان دنالن کو مافێ وانە.
هەکەر ئەم بەراوردی یەکێ بکەین دناڤبەرا خۆپیشاندانێن بەسرا و یێن هەرێمێ دێ بینین کو زولمەکا مەزن دهاتەکرن ژ لایێ سیاسەتمەدارێن سلێمانیێ ڤە د دەرحەقێ حکومەتا هەرێمێ دا چنکو نە حکومەتێ توند و تیژی ل بەرامبەر نەرازیبوونان بکارئینابوو و نە چەک بەرامبەر وەلاتیێن خۆ بکارئینا، بەلکی بەروڤاژی بریارێن دلخوشکەر هاتنە دان ژلایێ جەنابێ سەرۆکوەزیرێن هەرێما کوردستانێ بەرێز نێچیرڤان بارزانی کو شیا وێ فشارا مەزنا ئابۆری ل سەر هەرێمێ سڤک بکەت ب راستڤەکرنا مووچەیێن فەرمانبەران و زێدەکرنا مووچەیێن وان.
گەنجینەیێن بەغدا یێن کەتینە دەستێن گەندەلان و سەرکردێن عیراقێ هاولاتیێن خۆ مژیل دکرن ب دژاتیا هەرێمێ ڤە داکو بشێن پتر سەروەت و سامانێ عیراقیان ببەن بۆ خۆ، بەرژەواندا وان و لایەنێن دەرەکی دا بوو کو بهێن و بەرێ چەکێ خۆ بدەنە مە کوردان.
لێ ئەوان چ بسەرێ کوردان ئینایە ئەڤە ل سەردەمێ شاهێن وان و تا سەدامی و مالکی و عەبادی هەر زالمەکی یا بسەرێ مە ئینای ئەو یا بسەرێ وان ژی هاتی، ئەڤجا جهێ فەخر و شانازیێ یە کو هەرێما مە خودان سەرکردەیێن وەک سەروك مەسعود بارزانی و نێچرڤان بارزانی یە لەو ئەم یێن کاودانێن سەخت دەربازد کەین.
خەلکێ بەسرا ژ نەبوونا ئاڤا ڤەخوارنێ تووشی نەخوشیان ببوون دەزگەهێ خێرخازی یێ بارزانی ئاڤا ڤەخوارنێ گەهاندە هەژارێن بەسرا، ئەڤە د دەمەکی دا کو ئاوارێن عەرەب تژی هەرێمێ ببوون و حکومەتا عیراقی چ پێنگاڤ نەهاڤێتن داکو  ل سەر وێ بارگرانیا وان بۆ هەرێمێ چێکری هاری حکومەتا هەرێمێ بکەت، بەلکو پتر بارێ هەرێمێ گرانکر ب رێکێن جودا جودا.
ل دوماهیێ دێ بێژین هەرێما کوردستانێ ب ئێک رێزیێ دێ هەمی کاودانێن نەخوش بکێمترین زیانان دەربازکەت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.