ژڤانێ كلاسیكۆیا ئسپانیا هاته‌ گوهارتن

ژڤانێ كلاسیكۆیا ئسپانیا هاته‌ گوهارتن

WAAR-دهۆك:

ئێکەتییا فوتبۆلا ئسپانیا ب فەرمی ژڤانێ کلاسیکۆیا دناڤبەرا بەرشەلۆنا و ریال مەدریدێ دا ژ ٢٦ ڤێ مەھێ بۆ ١٨ مەھا کانوونا ئێکێ یا بھێت ڤەگۆھاست.ب ئەگەرێ وان خوەنیشاندانێن ل ھەرێما کەتەلۆنیا دھێنە کرن ژبەر زیندانکرنا چەند بەرپرسەکێن وان. د بەیاننامەیەکێ دا لسەر سایتێ خوە یێ فەرمی کۆمیتەیا بەریکانەیان ل ئێکەتییا فوتبۆلێ راگەھاند کۆ دیدارا ئێکێ یا کلاسیکۆیێ دێ ل ١٨ مەھا کانوونا ئێکێ یا بھێت ھێتە کرن و دەلیڤە تاکۆ رۆژا دووشەمبییا بھێت لبەر سینگێ ھەردوو مەزنێن ئسپانیا یە داکۆ ڤێ بریارێ پەسەندکەن یان ژی ژڤانەکێ دی بدانن و ئەگەر چ بەرسڤ نەھاتنە دان بریارا داویێ دێ بۆ کۆمیتەیا بەریکانەیان ڤەگەریت.ژلایێ خوەڤە رۆژنامەیێن مارکا و مۆندۆ دیپۆرتیڤۆ راگەھاندییە کۆ بەرپرسێن ھەردو یانەیان لسەر ڤێ بریارێ د رازی نە ب تایبەت ھەردوو تیم د رەوشەکا نەباش دا دبۆرن ب ئەگەرێ ھنگاڤتنا یاریکەران.

بابه‌تێن ب ڤێ مژارێ ڤه‌ گرێدای