ژڤانێ ديدارێن ئاگرین د ناڤبه‌را به‌رشه‌لۆنه‌ و ریالێ دا دیاربوون

ژڤانێ ديدارێن ئاگرین د ناڤبه‌را به‌رشه‌لۆنه‌ و ریالێ دا دیاربوون

وار – دهۆک :

ئێكه‌تییا ته‌پاپێی یا ئسپانیایێ راگه‌هاند كو ل 23ێ هه‌یڤا ته‌باخا بهێت دێ وه‌رزێ نوو یێ خولا ئسپانیایێ هێته‌كرن یا كۆ دێ ل 15ێ گۆلانا سالا 2016ێ ب دوماهی هێت و ده‌لیڤه‌یێ بۆ هه‌لبژارتیێن وان بهێته‌ دان بۆ خۆ به‌رهه‌ڤكرن بۆ یۆرۆیا 2016ێ. د رێ و ره‌سمێن پشككێشا یاریێن گه‌ڕا ئێكێ دیاربوو كو قاره‌مانا وه‌رزێ بۆری به‌رشه‌لۆنه‌ دێ بیته‌ مێڤانان ئه‌تله‌تیكۆ بلباۆ و ریال دێ ژ ده‌رڤه‌یی یاریگه‌ها خۆ همبه‌ری سپۆرتینگ خیخۆن بیت.
بۆ یاریێن كلاسیكۆیا ئسپانیایێ. یارییا ئێكێ ژ گه‌ڕا 12ێ ریال مه‌درید دی مێڤاندارییا به‌رشه‌لۆنه‌ ل (8/11/2015) كه‌ت، ل (3/4/2016) به‌رشه‌لۆنه‌ دێ مێڤاندارییا ریالێ كه‌ت د كلاسیكۆیا دووێ دا.
ژلایه‌كێ دیڤه‌ دێربیێ مه‌درید دناڤبه‌را ریالێ و ئه‌تله‌تیكۆ. یا ئێكێ دێ ل یاریگه‌ها فێسێنتی كالدیرۆن ل 4ێ چڕییا دووێ یا بهێت بیت و یارییا دووێ دێ ل 28ێ شۆباتا سالا 2016ێ بیت ل یاریگه‌ها سه‌نتیاگۆ برنابیۆ هێته‌كرن.
كاسا سۆپه‌را ئسپانیایێ دا به‌رشه‌لۆنه‌ دێ بیته‌ مێڤانا ئه‌تله‌تیكۆ بلباۆ ل 14ێ ته‌پاخا بهێت بیت و دیڤدا ل17ێ هه‌مان هه‌یڤ ل یاریگه‌ها كامب نۆ یاریێ كه‌ن.
یاریێن دناڤبه‌را به‌رشه‌لۆنه‌ و ئه‌تله‌تیكۆ مه‌درید، یارییا ئێكێ دێ ل یاریگه‌ها ڤێسێنیتێ كالدیرۆن بیت ژ گه‌را سێیێ ل 13 ئه‌یلۆنا بهێت بیت، یارییا دووێ ژ گه‌ڕا 22 دێ ل یاریگه‌ها كامب نۆ یا به‌رشه‌لۆنه‌ هێته‌كرن.
لدیڤ بڕیارا ئێكه‌تییا ئسپانیایێ ئاردا تۆران نه‌شێت پشكداری یاریێن یانه‌یا خۆ به‌رشه‌لۆنه‌ بیت هه‌تا بدوماهی هاتنا قۆناغا ئێكی یا خولا ئسپانیا ژبه‌ر سزایێن لسه‌ر یانه‌یا به‌رشه‌لۆنه‌ ژلایێ فیفایێ ڤه‌ هه‌تا هه‌ڤبه‌ستێن زڤستانا بهێت.

بابه‌تێن ب ڤێ مژارێ ڤه‌ گرێدای