ژن و هه‌فت نهێنیێن گرنگێن جنسی

ژن و هه‌فت نهێنیێن گرنگێن جنسی

Capture

وار – دهۆک :

ژنان ژى د پرۆسه‌یا سەرجهی و ژیانا هه‌ڤژینێ دا دیتن و بۆچوونێن خوه‌ یێن تایبه‌ت هه‌نه‌، لێ گه‌له‌ك جاران ئه‌و ناخوازان لده‌ف زه‌لام وان بۆچوونێن خوه‌ باس بكه‌ن، ئه‌ڤجا ژبه‌ر شه‌رمێ بیت، یان ژى ئه‌و ئێكه‌ مه‌ره‌ما وان نینه‌.
ڤه‌كۆلین ژى ئاماژه‌یێ ب وێ ئێكێ دكه‌ن كو زه‌لامان دیتنه‌كا دیاركرى سه‌باره‌ت ب سێكسى هه‌یه‌، لێ لده‌ف ژنان ئه‌ڤ بارودۆخه‌ ئالۆزتره‌. ئه‌ڤجا هاتییه‌ ئاشكراكرن كو ژنان ژى چه‌ند ئاره‌زۆ و بۆچوونێن تایبه‌ت ب سێكسى ڤه‌ هه‌نه‌ و وه‌كو نهێنییان لده‌ف وان پاراستینه‌، كو ئه‌و نهێنییه‌ ژى د حه‌فت حالان دا هاتینه‌ رێزكرن، كو ئه‌ڤ خالێن خوارێنه‌:
1ــ پشكه‌كا زێده‌یا ژنان د ده‌مێ كریارا سێكسى دا گومان ژ له‌شێ خوه‌ ب رووسى هه‌نه‌، كا ئایا دێ له‌شێ وان ب دلێ زه‌لامان بیت یان نه‌، ئه‌ڤجا هه‌ر ژبه‌ر ڤێ ئێكێیه‌ گه‌له‌ك جاران ژن بزاڤێ دكه‌ن میكیاژ و كه‌رسته‌یێن جوانكاریێ بكاربینن.
2ــ پترییا ژنان بەرى ئەنجامدانا كریارا سێكسى حەز ژ په‌یڤ و ئاخڤتنێن رۆمانسى دكه‌ن د گه‌ل زه‌لامێن خوه‌ دا، د ده‌مه‌كى دا ئه‌و دۆخه‌ لده‌ف زه‌لامان جودایه‌ و ئه‌و حەزدكەن ئێكسەر دەست ب ئەنجامدانی سەرجهی و كریارا سێكسى بكەن.
3ــ سێكس و ئەنجامدانا سەرجهی لده‌ف ژنان وەكو هەر بابەته‌كێ دى یێ رۆژانه‌یه‌، بۆ نموونه‌ خوارن، یان ژى تەماشه‌كرنا تەلەڤزیۆنێ، ئانكو گرنگییه‌كا تایبه‌ت لده‌ف وان نینه‌، لێ د هه‌مان ده‌م دا لده‌ف زه‌لامان سێكس بابه‌ته‌كێ گرنگتره‌ و جودایه‌ ژ بابه‌ت و روودانێن دى یێن رۆژانه‌.
4ــ دیتنا ژنان بۆ ئۆرگازمێ جودایه‌ ژ دیتنا زه‌لامان، دبیت ژنه‌ك ب ماچه‌كا ملى بگه‌هیتە ئۆرگازمێ، لێ د ده‌مه‌كى دا زه‌لام ڤێ پرۆسه‌یێ ب تنێ ب كارێ سه‌رجهى تێگه‌هشتینه‌ و هه‌كه‌ر د وى ده‌مى دا نه‌شیان ژنێن خوه‌ بگه‌هیننه‌ قۆناغا ئۆرگازمێ؛ تووشی بێ هیڤیێ دبن.
5ــ ژن وه‌سا دبینن كو بەرى كریارا سێكس و سەرجهی، پێدڤى ب جددى بوون و بێدەنگیێ نینه‌، بەلكو حەز ب ئاخڤتن و ترانه‌یان دكه‌ن، د ده‌مه‌كى دا زه‌لام وى كارى گه‌له‌ك ب جددیتر دبینن و وه‌كو دۆخه‌كێ تایبه‌ت ته‌ماشه‌ دكه‌ن.
6ــ ژن د كارێ سێكسى و سه‌رجهى دا حه‌ز ژ كه‌رب و توندیێ ناكه‌ن زێده‌تر وان حه‌ز ژ نه‌رماتیێیه‌، لێ د ده‌مه‌كى دا پشكه‌كا زێده‌ ژ زه‌لامان لژێر كاریگه‌رییا فلمێن سێكسى دا وه‌سا دبینن كو ئه‌نجامدانا كریارا سێكسى ب توندى ژ بال ژنان ژى ڤه‌ ب تامه‌، لێ د ده‌مه‌كى دا ئه‌ڤ دیتنه‌ یا شاشه‌.
7ــ ژنان گه‌له‌ك لده‌ف وان گرنگه‌ كو زه‌لامێن وان پشتى ئەنجامدانا كریارا سێكسى گرنگیێ ب وان بده‌ن و ئێكسەر پشتا خوه‌ نه‌ده‌نه‌ وان و بنڤن، ژبه‌ركو هه‌كه‌ر وه‌سا نه‌بیت، ب وى ره‌نگى ئه‌و هه‌سته‌ لده‌ف وان دێ په‌یدابیت كو ئه‌و ب تنێ ئامرازه‌كێ سێكسى بوون و نه‌ چو تشتێ دى.
شاره‌زایێن جڤاكى و په‌یوه‌ندیێن هه‌ڤژینیێ، وه‌سا خوه‌یا دكه‌ن كو شاش تێگه‌هشتنا د ناڤبه‌را ژن و مێران دا سه‌باره‌ت ژ حه‌ز و ئاره‌زۆیێن هه‌ر ئالییه‌ك ژ وان بۆ كریارا سێكسى، دبیته‌ سه‌ده‌ما وێ ئێكێ كو چو تام و خوه‌شییه‌كێ بۆ خوه‌ ژ ڤێ كریارێ نه‌بینن و دبیت ژى پشتى بۆرینا ده‌مه‌كى هه‌ما حه‌زا وان بۆ ڤێ كریارێ كێمبیت و ئه‌نجامدانا وێ هه‌ر بۆ وان خه‌م نه‌بیت و هه‌ر جاره‌كا وێ كریارا دكه‌ن، وه‌كو هه‌ر كاره‌كێ دى یێ رۆژانه‌ بیت كو ئه‌و دبینن لسه‌ر وان فه‌ره‌، له‌و ژى به‌لا وێ ژ خوه‌ ڤه‌دكه‌ن. لێ هه‌كه‌ر ژن وان نهێنیێن ژنان كو گرێداى ب حه‌ز و ئاره‌زۆیێن وان یێن سێكسى ڤه‌نه‌، لبه‌ر چاڤ بگرن و پێگیریێ بێ بكه‌ن، ئه‌نجامدانا وێ كریارێ، دێ خوه‌شیێ و شادیێ ب سه‌ر ئالیێن دى یێن ژیانا وان ژى دا هه‌بیت.

بابه‌تێن ب ڤێ مژارێ ڤه‌ گرێدای