ژن و مێر بێى بەرانبەر كریارا جنسى ناکەن

ژن و مێر بێى بەرانبەر كریارا جنسى ناکەن

Capture

وار –  كوردۆ رۆژهات:

ئێك ژ كارێن خراب د پرۆسه‌یا هه‌ڤژینیێ دا ئەوە، كو په‌یوه‌ندییا سێكسییا ژن و مێران وه‌كو بازرگانیێ لێ بهێت و ب بێ به‌رانبه‌ر ژن به‌رهه‌ڤ نینه‌ كریارا سێكسى دگه‌ل زه‌لامێ خوه‌ بكه‌ت، ئەڤە ب تنێ باسه‌ک نینە، بەلکو د ناڤبه‌را ژن و مێران دا مشه‌ بوویه‌ و بوویه‌ دۆسەیەک کو بسپۆڕێن جڤاكناسى و بوارێ پێوەندیێن خێزانی، ئاخڤتن و گه‌نگه‌شه‌یێن زێده‌ لسه‌ر بکەن، ژبه‌ركو ئه‌ڤ ئێكه‌ پاشه‌رۆژه‌كا خراب و نه‌ سەقامگیر بۆ وێ خێزانێ مسۆگەر دکه‌ت.
ده‌ستپێكا ڤێ کێشەیێ ژ تێنەگه‌هشتنا مانایا پێوەندییا سێکسییە، ئاخر ئەڤە مافه‌کێ هه‌ر دو ئالییانه‌، نه‌كو ب تنێ بۆ زه‌لامییه‌، ھەر وەکو چاوا خوارن و ڤه‌خوارن بۆ ھەموو مرۆڤانە بێى جوداهى، لێ ده‌ما كو وه‌سا بهێته‌ هه‌ستكرن، كو كریارا سێكسى ب تنێ بۆ زه‌لامییه‌، ل وى ده‌مى ژن ب به‌رانبه‌ر وێ كریارێ دگه‌ل زه‌لامێ خوه‌ دكه‌ت، ئەڤە ژى ژ ئەنجامێ نەبوونا ره‌وشه‌نبیرییا سێکسی دروست دبیت، ئه‌ڤجا ژبه‌ر ڤێ ئێكێ پێدڤییه‌ هه‌ردو ئالى بزانن كو دڤێت رێزێ ل له‌شێ ئێكدو بگرن.
ژ ئالییه‌كێ دى ڤه‌، گه‌له‌ك جاران ب سه‌ده‌ما وێ ئێكێ كو ژن هه‌ست ب بنده‌ستى و بده‌ست ڤه‌نه‌ئینانا مافێن خوه‌ دكه‌ن ژ بال زه‌لامێن خوه‌ ڤه‌، ئێدى ئێكانه‌ ده‌ستهه‌لاتا وان هه‌بیت و بشێن بكاربینن، ئه‌وه‌ كو ژ روویێ سێكسى ڤه‌ مه‌رجان بۆ زه‌لامێن خوه‌ دانن و ب پاره‌ وێ كریارێ دگه‌ل زه‌لامێن خوه‌ دكه‌ن.
زه‌لامێن رێزدار، ئه‌و كه‌سێن ب كو ب راستى دسه‌لمینن كو هه‌ڤژینێن خوه‌ گه‌له‌ك خوه‌ش دڤێن، چو جاران به‌رهه‌ڤ نابن پێخه‌مه‌تى گه‌هشتن ب خه‌یالێن خوه‌، پاره‌ى بده‌ن و مرۆڤایه‌تییا خوه‌ بچووك بكه‌ن. تو ئه‌ى زه‌لام بۆچى ڤێ ئێكێ تاقى ناكه‌ى، كو ل شوونا پاره‌یان بده‌ى، بۆچى ناچى لدووڤ خواستێن هه‌ڤژینا خوه‌ و ڤیانا خوه‌ بۆ بسه‌لمینه‌، ل وى ده‌مى ب راستى دێ مانایا سێكسى تێگه‌هى و هه‌ڤژینا ته‌ ژى دێ باشتر تامێ ب ته‌ به‌خشیت و ئه‌و ب خوه‌ ژى زربه‌هر نابیت ژ تامێ.

بابه‌تێن ب ڤێ مژارێ ڤه‌ گرێدای