ژنەکا ئێزدی باسێ فرۆشتنا خوە دکەت

ژنەکا ئێزدی باسێ فرۆشتنا خوە دکەت

3ACD13F3-6286-4CA6-9E5A-B0D009DFAF77_cx0_cy10_cw0_mw1024_s_n

وار – كوردۆ رۆژهات :

ژنا ئێزدییا ب ناڤێ (ح،ع) یا ١٩ سالی، وێ زاڕۆیەک ٣ سالی هەیە. ئەو باسێ چیرۆکا فرۆتنا خوە دکەت و دبێژیت، “مێرێ من، خەزوورێ من، تییێ من لبەر چاڤێن من کۆمکوژ کرن. ئەز ژی فرۆتم ئەرەبەکی سووریێ”.
ژنا ئێزدییا ب ناڤێ (ح.ع)، کو مێرێ وێ، تییێ وێ و خەزوورێ وێ لبەر چاڤێن وێ ژ ئالیێ چەکدارێن داشێ ڤە هاتنە کۆمکوژکرن، خەلکا گوندێ گر عزێرێ یا دەڤەرا شنگالێیە.
ح.ع. یەک ژ وان ژنێن ئێزیدی بوو کو ژ ئالیێ چەکدارێن داشێ ڤە هاتن ڕەڤاندن و ل باژاڕێ مووسلێ هاتن فرۆتن. لێ ه.ئ. ب ئاوایەکی موعجیزە رزگار دبیت و نها ل دهۆکێ یە.
وێ ژنا ئێزیدی ب مەرجەکی ژ رووداوێ رە باسێ خوە کر کو وێنە و ناڤێ وێ نەیێن ئاشکراکرن، ئەڤ ژی نە ژبەر وان تشتێن کو هاتنە سەرێ وى، به‌لكو ژبەر وێ یەکێ کو دترسیت چەکدارێن داعشێ ژبەر ئاخڤتنێن وێ زیانان بده‌نه‌ خەسوو و خووشکا مێرێ وێ کو نها د دەستێ داعشێ دە نە.
ح.ع، وه‌ها باسێ خوە کر، “دەما چەکدارێن داعشێ کەتنه‌ ناڤ گوندى، ژن و زاڕۆ و زه‌لام ژ هەڤ جوداکرن. دەستێ زلامان گرێدان و پاشێ کۆمکوژ کرن. مێرێ من، خەزوورێ من و تییێ من د ناڤ وان دە بوون.”
وێ ژنا بەخترەش دا زانین، کو ئەو دەستپێکێ برن دەڤەرا سیبا شێخ خدر، ژ وێرێ ژی برن ناوچه‌یا بەئاجێ، پاشى برن شنگالێ و ل وێرێ ژی ب هندەک ژنێن دى ڕە برن مووسلێ.
ژییێ ح.ع، ١٩ سالە و وێ زاڕۆکەکێ ٣ سالی هەیە. د بەردەوامییا چیرۆکا خوە دە دبێژیت: “چەکدارێن داعشێ تشتێن پر پیس دگۆتن مە. دگۆتن ئۆلا وە ڤالایە، ژبەر وێ ژی دڤێت هوون وەرن سەر ئۆلا مە. هندەک دەرسێن ئۆلی ژ مە ڕە گۆتن، لێ زانین کو ئەم قەت نابین مسلمان.”
وێ ژنێ دا زانین، کو ل مووسلێ ژنێن پیر و ب تەمەن ژ کەچ و ژنێن گەنج جوداکرن، ژبەر وێ ژی هایا وێ ژ خەسوویا وێ نەما، تەنێ ئەو و خووشکا مێرێ وێ ب هەڤ ڕە مابوون و وها گۆت: “ژ مە رە گۆتن ئەمێ وە ڤەگەرینن مالێن وە، لێ ئەم برن خانییەکی مەزن و ژ مە ڕە گۆتن، یێن کو دهێنه‌ ڤێره‌، دڤێت مێر بکن.”
ح.ع. ب دەنگەکێ نزم و ب چاڤێن گری باسێ وان بوویەران دکر کو قەت نەدخواست بینتە زمان: “ئەم ب ١٠-١٥ هەزار دیناران دفرۆتن. رۆژانە ١٠ جاران دهاتنه‌ ناڤ مە و کیژان دلێ وان دخواست دبرن. ب تایبەت کچ دبرن و کچانییا وان خەراب دکرن.”
وێ دایکا کورد وها دۆماند: “چەکدارەکی کچەک دکڕی دو رۆژان لگەل خوە دهیشت، لێ دەما لێ تێر دبوو، دفرۆت کەسەکێ دى. رایەدارەکی (داعشێ) کچەک فرۆت شۆفێرێ خوە. من ب گوهێ خوە بهیست کو هندەک هاتبوون کچان بکڕن، لێ ب ترکی دئاخڤتن. مشتەریێن ئەرەبێن سووری ژی د ناڤ وان دە هەبوون. هندەک مشتەری دهاتن کنجێ بووکان لبەر کچان دکرن و ژ خوە ڕە دبرن.”
ح.ع. ئاهەک کوور کشاند و وه‌ها ئاخڤی: “پێدڤی ب شەرمێ ناکەت ئەز ژی فرۆتم ئەرەبەکی سووری، لێ نزانم ب چقاسی ئەز هاتم فرۆتن”.
ل گۆری ح.ع، وی ئەرەبێ سووری ژێ ڕە گۆتییە تو ژنا منی، لێ وێ قەبوول نەکرییە، دیسان وی زه‌لامێ ئەرەب ژێ ڕە گۆتییە، دایبابێن خوە ژبیربکە، ژبەرکو هەموو هاتنە کوشتن و کوردستانا ئیراقێ ژی کەتییە دەستێ مە.
ئه‌ڤ ژنه‌ چاوا رزگاربوو؟
ح، باسێ رزگاربوونا خوە کر و گۆت: ”شەڤەکێ کوڕێ وێ تێنى ببوو و دگریا، لێ دەریێ وی خانیێ کو ئەو تێ دە بوون، گرتی بوو، دەرێ پلاستیکى بوو، مە چ قاس ل دەری دا، چو کەسی گوه نەدا مە. ئەز نەچارمام، من دەر شکاند و ئاڤ ژ کوڕێ خوە رە ئانی. ٣ کەس ل ناڤ خانی دە هەبوون، هەموو ژی رازابوون، من ژی دەرفەت دیت و ئەز ڕەڤیام.”
ئەڤ ژنا ئێزدی هەتا هه‌یامه‌كێ ب پێیان دچیت، پاشى خوە دهاڤێژیته‌ مالەکا ئەرەب و چیرۆکا خوە ژ وان رە دبێژە. زه‌لامێ مالێ وێ دكه‌ته‌ ئۆتۆمۆبیلا خوە دا، “دەما ئەم دگه‌هشتین خالێن پشکنینێن داعشێ، وى زه‌لامى دگۆت ئەڤ هەڤژینا منە. وی زه‌لامی ئەز نێزیکی پێشمەرگەیان کرم ژ وێرێ ئەز ب پێیان چووم با پێشمەرگەیان و وان ئەز دەرباسی دهۆکێ کرم.”
ح.ع. باسێ وێرەکییا وان کچ و ژنێن کو د دەستێ داشێ دە نە، ژی کر و گۆت: ”ئەو کچ و ژن ئەو قاسی ب شەرەف و وێرەک بوون کو هەتا گەفا کوشتنێ ل وان نەهاتبا کرن نەدهێشتن دەستێ کەسێ ل وان بکەڤە، لێ سێ کچێن گوندێ وەردیێ ژ بۆ کو دەستێ چەکدارێن داعش ل وان نه‌کەڤیت، خوە بدارڤه‌كرن”.

بابه‌تێن ب ڤێ مژارێ ڤه‌ گرێدای