ژنه‌ك دبێژیت: گه‌له‌ك جارا من هزرا خوه‌ كوشتنێ كرییه‌

به‌ده‌ل گابێركى

دهوك

پەیداکرنا ژیانەکا خوه‌ش و ئارام بۆ خێزانێ یا گرێدایە ب عاقلەتا مەڤە؛ دێ ھزرێن مە ژیانا مە خوه‌ش و ئارام کەن، خوه‌شی و ئارامی وەکی ئەندامێن لەشی نە ئەگەر ئێک بێشیت دێ یا دی ژی ئێشیت، سەر رەقی و کەرب و کین و دۆژمناتی ئارامیا خێزانێ تێک ددەن.

گەلەکا گرنگە ئەم بەرێ خوە بدەینە ئەوان رێکان ئەوێن چاڤێ رۆژێ لێ دەت و بھایێ ھەر کەسەکی یێ دیار بیت… خێزان ژی ب ھەبوونا یەکسانیێ و ھزرکرنەکا راست و درۆست بەرەڤ کەنارێن خوه‌شی و بەختەوەر بوونێ دچیت نه‌ك زه‌لام هزر بكه‌ت ب رێكا هێزێ دێ خێزانا خوه‌ كونترلكه‌ت، ژبه‌ركو چ مرۆڤ ب رێكا هێزێ ناهێنه‌ كونترۆلكرن یا گرنگه‌ ل جهێ بكارئینانا هێزێ ڤیان و رێزگرتن بیت.

چاوا دێ خێزانێ بەرەڤ ئارامییێ ڤە بەی؟

گەلەکا ب ساناھیە پێدڤی ناکەت تە پارەکێ زێدە ھەبیت، بەلکو یا گرنگە تە عاقلەکێ مەزن ھەبیت و بەرێ خوە داناته‌ بۆ ژیانێ یا گه‌شیبینانه‌ بیت، نەک رەشبین بى، ئانکو ھەمی دەما ئەو کەس یێ بەخت رەشە ئەوێ، بەس رووناھیا ژیانێ پەنجەرەکێرا ب تنێ دبینیت پا ئەگەر ئەو پەنجەر ھاتە گرتن؟

ل وی دەمی دێ ژیان تاری بیت و دێ مریت، نەخێر زیرەکا نە رەفتار و کردارێن خوە ئەنجام بدە نەک ب شێتانه‌، ژبەرکو دێ ل وی دەمی ھندەکێن دی باجا تە دەن کو ب چ رەنگان گۆنەھا خوە نینە، باش ھزرا خوە بکە، ژ بەرکو ژیان یا تژی پەنجەرکە و ھەمی پەنجەرا رووناھیا خوە و تاما خوە ھەیە.

ژنەکا ڤی باژێری ب ھەر دوو چاڤان دکرە گری و بەردەوام گازندە دکرن؛ دگۆت: من شوی ب زەلامەکێ زەنگین کربوو ھەمی ھزرا من ئەو بوو کو ئێدی ئەز دێ ژیانەکا ئارام و خوه‌ش بۆرینم ل ڤێرە ب راستی گرنگە ب رەواستین، ژ بەرکو پێدڤیە ئەم ب زانینن خەم و نەخوه‌شی دگەل مرنا مە دێ بدوماھیک ھێن،

بەس جورێ خەما  بۆ ھەر ئێکیژ مە یێ گرنگە ھندەک خەم و نەخوه‌شی ھەنە  ب رۆژەکێ یان چەند دەمژمێرەکان بدوماھیک دئێن…

ئەڤە ژی تشتەکێ سرۆشتیە ھندەک جارا دەروونێ مرۆڤی تێک دچیت یان ڤالاھیەک ھەیە ل وی دەمی مرۆڤ پیچەکێ بێزار دبیت یا گرنگە ل وان دەما مرۆڤ خوە نێزیکی خودێ بکەت و خوە بۆ ب چەمینیت، ژبەرکو ژێدەرێ سەرەکی یێ بەختەوەری و ئارامبوونێ ھەر خودێ یە.

بەس ھندەک خەم و نەخوه‌شی ھەنە مرۆڤ بۆ مرۆڤان ژ زالمی درۆست دکەن ب درێژاھیا چیرۆکا ڤێ ژنی دێ باش زانن.

زەلامێ من پشتی دەھواتێ ئەز ژ دەوامێ دەرئێخستم و کرمە دخانیڤە ب چ رەنگان نەھێلا دەربکەڤم و بەردەوام دقوتام دلێ وی ل سەر من یێ خەلەت بوو ھەتا گەلەک جارا ئەو و مالا مە ب شەر چوون نەدھێلا بچمە دەڤ دەیکا خوە رۆژ بۆ رۆژێ زۆلم و زۆرداریا وی زێدەتر لێ دھات، ھەتا گەلەکا جارا من ھزرا خو کوشتنێ کریە؟

ھندی ئەز ھیڤیان ژێ دکەم و دبێژمێ خوە باش بکە ما من چ گۆنەھا خوە ھەیە ھەر دبێژیت ئەز چ جارێندی وەناکەم، بەلێ درەوان دکەت وەکی ( توبا دارکوکەی یە). خێزانا مە چ ئارامی و خوه‌شی نینە وەکی وارەکێ وێرانە ھەمی گاڤا یا بێزارم و ڕۆندکان دبارینم بچووکێن من ژی ھەردەم شەری دکەن و نەشێم وان ھەر دەمێ دبێژمە وان بێدەنگ بن دێ بێژنە من ھوین بۆچی شەری دکەن؟

وان ژی مافێ خوە ھەیە، بەلێ یێ دناڤ ژەنگا مەدا بەرزە بووین و ھەمی گاڤان دبێژتە من ئەڤە بۆ تە پارە ما من جارەکێ تو ھێلایە بێ پارە، نەخێر چ جاران ئەز نەھێلایمە بێ پارە، بەس تە ھەمی گاڤان ب وان پاران ئەز یا قوتایم و پێل کەرامەتا من دانای و هێلایمه‌ بێ ڤیان و دلوڤانى، بەلێ ب وان پارا تە ئەز ھزار جارا یا کوشتیم خودێ مافێ من ژ تە چێبکەت.

یا گرنگە ئەم ھەمی پێکڤە کار بکەین بۆ گوھۆرینا عەقلیەتا مرۆڤان بۆ ژیانەکا ئارام و خوه‌ش گەلەک کەس ھوسان ھزر دکەن، کو ئەو دی ب ھەبوونا پارەی ب تنێ خێزانەکا بەختەوەر برێڤە بەن گه‌له‌ك جارا هه‌ر پاره‌یه‌ خێزانێ به‌ره‌ڤ كه‌نارێن بێ ره‌وشتیێ ڤه‌ دبه‌ت و خراب دكه‌ت، و ئه‌و كه‌سێن هزردكه‌ن به‌س ب رێكا پاره‌یى دێ خێزانه‌كا به‌خته‌وه‌ر ئاڤا كه‌ن، ئەڤە ژی دێ ب تنێ مینیت خەونەکا فاشل و نەزێدەتر، ژبه‌ركو خێزانێ چه‌ندین تشتێن دیتر هه‌نه‌ هه‌تا ببیته‌ خێزانه‌كا سه‌ركه‌فتى و به‌خته‌وه‌ر و دڤێت باش بزانین كو پارە ئێک ژ ئەگەرێن بەختەوەر بوونا خێزانێ یە نەک ھەمی.

ئەو نموونا سەری باش دیار کر کو خێزان وەکی کوترەکێ یە پێدڤییە ھەر دوو چەنگێن وێ کار بکەن دا بکاریت ب درۆستی بفڕیت، ئەگەر ژن و مێر ژی ھەر دوو پێکڤە کار نەکەن و رێزێ ل ئێک و دوو نەگرن دێ بەردەوام نەخوه‌شی و نەئارامیێ دا ژین.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.