ژماره‌كا په‌رله‌مانتارێن شكه‌ستخواری ئیراقێ ب جهـ دهێلن

ژماره‌كا په‌رله‌مانتارێن شكه‌ستخواری ئیراقێ ب جهـ دهێلن

WAAR-دهۆك:

ژێده‌ره‌كێ سیاسی ئاشكه‌را كر، ژماره‌كا په‌رله‌مانتارێن ئیراقێ پشتی كو خوه‌ د هه‌لبژارتنان دا كاندیدكری و نه‌ده‌ركه‌تین، ژ به‌ر نه‌مانا پارێزبه‌ندیا وان وه‌ك په‌رله‌مانتار، ژ ترسا دوڤچوونێن یاسایی ئیراقێ بجهـ دهێلن.
ئه‌ندامه‌كێ هه‌ڤپه‌یمانیا نشتیمانی بۆ مه‌دیایێن ئیراقێ گۆتیه‌، ژماره‌كا په‌رله‌مانتارێن شكه‌ستخواری كو ژمارا وان دگه‌هیته‌ سیهـ و نه‌هـ په‌رله‌مانتاران ئیراق بجهـ هێلایه‌، پشتی كو ژ سالا 2005ێ و تا نها ئه‌ندامێن جڤاتا نوونه‌ران بوون و پرانیا وان خێزانێن وان ل ده‌رڤه‌ی وه‌لاتی دژین.
وی ژێده‌ری گۆت ژی: ژ به‌ركو وان په‌رله‌مانتاران پارێزبه‌ندی نه‌مایه‌ وه‌ك ئه‌ندام په‌رله‌مان، ئه‌ڤجا دادگه‌هێن ئیراقێ ماف هه‌یه‌ ژ به‌ر دوسه‌یێن گه‌نده‌لیێ فه‌رمانێن گرتنا وان بده‌ت.
ب گۆتنا وی ژێده‌رێ نه‌ڤیایی ناڤێ خوه‌ ئاشكه‌را بكه‌ت، ژماره‌كا په‌رله‌مانتاران زۆنا كه‌سك ب جهـ هێلابوو و چووبوونه‌ ناڤا هه‌وا بانگه‌شه‌یان، لێ پشتی ده‌ركه‌ڤتنا ئه‌نجامێن ده‌ستپێكی چ ژ وان په‌رله‌مانتاران نه‌زڤرینه‌، هه‌ر ژبه‌ر هندێ ژی سه‌رۆكاتیا په‌رله‌مانی نه‌شیا رێژه‌یا پێدڤی بۆ وێ كۆمبوونێ خرڤه‌ بكه‌ت یا به‌ری هنگێ راگه‌هاندی كو دێ ل دۆر دانوستاندنێ ل سه‌ر ئه‌نجامێن ده‌ستپێكی یێن هه‌لبژارتنان گرێده‌ت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.