ژمارا قوربانیێن بیڤەلەرزا پارێزگەھا کرمانشان زێدە بووینە

ژمارا قوربانیێن بیڤەلەرزا پارێزگەھا کرمانشان زێدە بووینە

WAAR-دهۆك:

ژمارا قوربانیێن بیڤەلەرزا پارێزگەھا کرمانشان زێدە بووینە و ل گۆر داوی ئامار، شەشسەد و سیھـ و دو کەسان ژیانا خوە ژ دەست دایە و زێدەتر ژ حەفتھزار و ھەشتسەد و ھەڤدە کەسێن دی بریندار بووینە.
میدیایێن ئیرانێ ئاشکەرا کر: ژمارا قوربانیێن بیڤەلەرزا پارێزگەھا کرمانشان ل رۆژھەلاتێ کوردستانێ رۆژ بۆ رۆژێ زێدە دبن و پشتی لێگەریانێ د ناڤا وان ئاڤاھیێن وێران بووین، ژمارەکا دی یا تەرمان و کەسێن بریندار دیتینە و تا نھا ژمارەکا دی یا خەلکی د بن وان ئاھاڤییان ڤە ماینە و چارەنڤێسێ وان نەدیارە.
ل گۆر زانیاریێن میدیایێن ئیرانێ، تا نھا شەشسەد و سیھـ و دو کەسان ژیانا خوە ژ دەست دایە و زێدەتر ژ حەفتھزار و ھەشتسەد و ھەڤدە کەسێن دی بریندار بووینە.
میدیایێن ئیرانێ دا زانین ژی: ژمارەکا کەسێن دی ژی بێ کو د ناڤا ئامارا قوربانییان دا بھێنە تۆمارکرن، ھاتینە ڤەشارتن و تا نھا ئامارەکا درووست ل بەر دەستێ وان نینە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.