چێلسی و بایرن میۆنخ د یاریێن ئاگرین دا و ریال بۆ زڤڕاندنا هێزا خۆ

چێلسی و بایرن میۆنخ د یاریێن ئاگرین دا و ریال بۆ زڤڕاندنا هێزا خۆ

وار – دهۆک :

چاڤه‌ڕێیه‌ ئه‌ڤ شه‌ڤه‌ و شه‌ڤه‌كا دی ده‌مژمێر(10:45) ياریێن چوونێ و ڤه‌بڕ ژ قۆناغا 16ێ یا قاره‌مانییا كاسا یانه‌یێن ئۆرۆپا قاره‌مانیێن خولان بهێنه‌كرن كو تێدا چار یاری بۆ ماوه‌یێ دو رۆژان دێ هێنه‌كرن بڤی ره‌نگی.
یاریێن ئه‌ڤرۆ.(پۆرتۆ× بازل)، (ریال مه‌درید× شالكه‌)
تيما يانه‌یا ریال مه‌درید دێ بزاڤێ كه‌ت خۆ ژ كه‌ستنێن خولا ئسپانیا دووربێخیت و سنۆره‌كی بۆ ئه‌نجامێن خۆ بدانیت ئه‌وژی لسه‌ر كیستێ یانه‌یا شا‌لكه‌ یا ئه‌لمانی ده‌مێ مێڤاندارییا وێ دكه‌ت، هه‌رچه‌نده‌ د یارییا بۆریدا شیابوو سه‌ركه‌ڤتنێ لسه‌ر تۆماربكه‌یت ب(2-چنه‌) كو پێنگاڤا ده‌ربازبوونێ بۆ قۆناغا هه‌شتێ نێزك كرییه‌، دڤێ یاریێ دا جێمس رۆدرێگیز یێ به‌رهه‌ڤ نابیت، به‌لێ پشكدارییا سێرجیۆ رامۆسی و لۆكا مۆدریچی د گۆمانێ دانه‌، ژ لایێ خۆڤه‌ شالگه‌ ئه‌وا دوماهی یارییا خۆ د خولێ دا سه‌ركه‌ڤتن لسه‌ر هۆڤنهایم تۆماركری دێ ب زاخه‌كا مه‌زن هێته‌ دناڤ یارییا ئه‌ڤرۆ دا، هه‌رچه‌نده‌ به‌ری نوكه‌ یاریكه‌رێ وێ فۆكسی دیاركربوو كو ئه‌ركێ وان بزه‌حمه‌ته‌ دناڤ ئه‌رد و جه‌ماوه‌رێ ریالێ دا.
ژلایێ خۆڤه‌ پۆرتۆ یا پۆرتۆگالی دێ مێڤاندارییا بازل یا سویسری كه‌ت، د یارییا بۆریدا هه‌ردو تیم ب گۆله‌كێ وه‌كهه‌ڤ ببوون.
یاریێن سوبه‌هی
(چێلسی× پاریس سانجێرمان)، (بایرن میۆنێخ×شاختار دۆنستیك)
یاریێن رۆژا چارشه‌مبی دهێنه‌ هژمارتن بهێزترین یاریێن ڤێ گه‌ڕێ ژ قۆناغا 16ێ، ژبه‌ركو د یارییا بۆریدا هه‌ردو یاری ب وه‌كهه‌ڤی بدوماهی هاتبوون، تیما چێلسی یا ئنگليزی ئه‌وا دێ مێڤاندارییا پاریس سانجێرمان يا فره‌نسی كه‌ت ئه‌وا د يارييا بۆريدا ب گۆله‌كێ وه‌كهه‌ڤببوون، خودانێن ئه‌ردی د به‌رهه‌ڤیێن باش دانه‌ بتایبه‌تی پشتی بێهنڤه‌دانه‌كا درێژ كری، پشتی قاره‌مانییا ئێكه‌تییا ئنگلێزێ بجهـ هێلایی، بۆ ڤێ یاریێ گاری كاهێل یاریكه‌رێ وێ دیاركر كو ئه‌ڤه‌ چار رۆژه‌ ئه‌م یێ به‌رهه‌ڤییان دكه‌ین ئه‌م تیما هه‌ڤڕك باش دنیاسین، هه‌رچه‌نده‌ یاری وه‌كو یا دوماهیێیه‌، ژبه‌ركو ئێك یارییه‌ و یا ڤه‌بڕه‌، ژلایێ خۆڤه‌ تیما فره‌نسی دێ بۆ سه‌ركه‌ڤتنێ یاریێ كه‌ت، هه‌رچه‌نده‌ ئه‌ركێ وی بسانه‌هی نابیت، به‌لێ سه‌ركه‌ڤتنێن وێ د خولا فره‌نسا دا دێ بیته‌ پالده‌ر ئه‌و هزر د سه‌ركه‌ڤتنا یارییا چارشه‌مبیێ دا بكه‌ن.
تیما بایرن میۆنخ سوبه‌هی دێ مێڤاندارییا شاختار دونێسك یا ئۆكرانی كه‌ت ئه‌وا د خولا ئه‌لمانیایێ دا ئاستێ پێدڤی نیشان نه‌دایه‌ سه‌ره‌رایی سه‌ركه‌ڤتنا وێ لسه‌ر تیما هانۆڤه‌ر(3-1) به‌لێ د قاره‌مانیین ئۆرۆپا دا یانه‌یا ئه‌لمانی باش د زانیت دڤێت چو ده‌لیڤه‌یان ژ ده‌ست نه‌ده‌ن و ده‌ستكه‌ڤتێن خۆ بزڤڕینه‌ڤه‌، بۆ ڤێ یاریێ راهێنه‌رێ باڤاری گواردیۆلایی دیاركر كو تیما شاختار ژی ئارمانجێن سه‌ركه‌ڤتنێ یێن هه‌یین، راسته‌ دێ دناڤ ئه‌رد و جه‌ماوه‌رێ خۆ دا كه‌ین، به‌لێ د ته‌پاپێی دا هه‌ر تشته‌ك رویدده‌ت و تنێ ئه‌و تیما مفایی ژ ده‌لیڤه‌یێن خۆ وه‌ربگریت ئه‌و دێ سه‌ركه‌ڤیت.

بابه‌تێن ب ڤێ مژارێ ڤه‌ گرێدای