چین.. بێژه‌را رۆبۆت ده‌ست ب خواندنا نووچه‌یان كر

WAAR-دهۆك:

بێژه‌را رۆبۆت ل چینێ ده‌ست ب خواندنا نووچه‌یان كر، پشتی ئاژانسا شینخۆا ئێكه‌م ده‌ركه‌فتنا وێ به‌لاڤكری، ده‌ما نووچه‌یێ گه‌هشتنا شاندێن جیهانی بۆ په‌كینێ پێشكێش كری.
ئاژانسا شینخوا یا چینی ئه‌ڤرۆ ئێكه‌م ده‌ركه‌فتنا بێژه‌را رۆبۆت به‌لاڤكر، ده‌ما نووچه‌یێ گه‌هشتنا شاندێن بیانی بۆ په‌كینا پایته‌خت ژبۆ پشكداریێ د كۆمبوونا سالانه‌ یا په‌رله‌مانی دا خواندی.
بێژه‌را رۆبۆت تا راده‌یه‌كێ مه‌زن ب سیمایێ مرۆڤێ ئاسایی ڤه‌ دچیت، د گه‌ل خواندنا نووچه‌یان ژی شیان هه‌نه‌ نه‌ تنێ لڤینێن ده‌ستان، به‌لكو لڤینێن سه‌روچاڤان ژی دگه‌ل خواندنا نووچه‌یان بكه‌ت.
بێژه‌را رۆبۆت ناڤێ شین شیاو لێ هاتییه‌ كرن، پرچه‌كا كورت هه‌یه و كراسه‌كێ پیڤازی ل به‌ره‌ و دو گوهارك.
چینێ پێشتر ژی پرۆژه‌یێ بێژه‌رێن كور یێن رۆبۆت به‌لاڤكربوون و ل گۆری ئاژانسا شینخوا نێزیكه‌ ئه‌ڤ ته‌كنه‌لۆجیایه‌ دێ كه‌ڤیته‌ كاری.

بابه‌تێن ب ڤێ مژارێ ڤه‌ گرێدای