چین: ئەمریکا دانوستاندنان ئالۆز بکەت دێ بەرسڤا مە یا دژوار بیت

چین: ئەمریکا دانوستاندنان ئالۆز بکەت دێ بەرسڤا مە یا دژوار بیت

WAAR-دهۆك:

وەزارەتا دەرڤە یا چینێ ئەڤرۆ راگەھاند؛ گەر ئەمریکا لبەر بیت دانوستاندنێن بازرگانی ئالۆزتر بکەت، دێ ب دژواری بەرسڤی دەن.
چینگ شۆانگ، پەیڤدارێ وەزارەتا دەرڤە یا چینێ ئەڤرۆ د بەیانەکی دا راگەھاند؛ گەر دونالد ترامپ ئالۆزیێن بازرگانی دگەل
وەلاتێ وی زێدەتر لی بکەت و دانوستاندنان زێدەتر تێکبدەت، پەکینێ دێ بەرسڤێن دژوار ھەبن.
ئاماژە ژی دا، دەرگەھێن دانوستاندنان ڤەکرینە وەلاتی وی خواستا شەرێ بازرگانی ژی نینە، لێ گەر ئەو شەرە ھات راگەھاندن، ئەو ژ روبرووبوونا وی ناترسن.
دوھی دونالد ترامپ سەرۆکێ ئەمریکا راگەھاندبوو؛ چین نەچارە رێککەفتنێن بازرگانی دگەل ئەمریکا دا ئیمزا بکەت و دوپات کربوو، گەر سەرۆکی وی وەلاتی ژی ل ژاپۆنێ پشکداری گوپتکا جی بیست نەبیت، واشنتۆن دێ باجێن گۆمرکی یێن زێدەتر لسەر کەلوپەلێن ھاوردەکری یێن پەکینێ دا سەپینیت.

بابه‌تێن ب ڤێ مژارێ ڤه‌ گرێدای