چیكێ ئاماده‌ییا خوه‌ بۆ ڤه‌كرنا نوونه‌راتییا هه‌رێمێ ل پراگێ نیشان دا

چیكێ ئاماده‌ییا خوه‌ بۆ ڤه‌كرنا نوونه‌راتییا هه‌رێمێ ل پراگێ نیشان دا

WAAR-دهۆك:

چیكێ ئاماده‌ییا خوه‌ بۆ ڤه‌كرنا نوونه‌راتییا هه‌رێما كوردستانێ ل پراگێ نیشان دا و راگه‌هاند؛ كۆنسۆلخانه‌یا وان ل هه‌رێمێ دێ ده‌ست ب دانا ڤیزه‌یێ كه‌ت.
ئه‌ڤرۆ ل هه‌ولێرێ نێچیرڤان بارزانی، سه‌رۆكێ حكومه‌تا هه‌رێما كوردستانێ، پێشوازی ل مارتن سمۆلێك، جێگرێ وه‌زیرێ ده‌رڤه‌ یێ چیكێ و شانده‌كا د گه‌ل دا كر و پێشڤه‌برنا په‌یوه‌ندیێن هه‌رێم و چیكێ و پرۆژه‌یێن خواندنێ یێن وه‌لاتێن چیكێ ل هه‌رێمێ به‌حس كرن.
نێچیرڤان بارزانی پشته‌ڤانییا خوه‌ بۆ پرۆژه‌یێن خواندنێ یێن زانكۆیێن چیكێ ل هه‌رێمێ و پلانا دامه‌زراندنا باژارێ ئه‌كادیمیا چیكی ل هه‌ولێرا پایته‌خت نیشان دا.
جێگرێ وه‌زیرێ ده‌رڤه‌ یێ چیكێ ژی، خوه‌شحالییا خوه‌ ب پێشڤه‌چوونا په‌یوه‌ندیین د گه‌ل حكومه‌تا هه‌رێمێ دا دیار كر و راگه‌هاند؛ وه‌لاتێ وی ئاماده‌یه بۆ ڤه‌كرنا نوونه‌راتییا هه‌رێما كوردستانێ ل پراگێ و گۆت: كۆنسۆلخانه‌یا وان ل هه‌ولێرێ، دێ ده‌ست ب دانا ڤیزه‌یێ كه‌ت.

بابه‌تێن ب ڤێ مژارێ ڤه‌ گرێدای