چوار شیعە و مانا ئەسەدی و ژناڤبرنا کوردان!

شەوکەت ئامێدی- سوید

پشتی دوماهی ب ناکۆکیێن ئەمریکی و ئیرانێ هاتین لسەر بەرنامه‌یێ وان یێ ناڤۆكى، ئیرانێ ڕاستەوخوه‌ پشتگیرییا سووریا کر لگەل هەڤپەیمانا خوه‌ ڕۆسیایێ، چونکی پشتی رۆسی دیتی ئەمریکا یا دەستهەلاتا خوه‌ زێدەتر دکەت ل ڕۆژهەلاتا ناڤین، ئەوێ ژی ژبەر هۆکارێن خوه‌ یێن ئابۆری و ئستراتیجی ل هەرێمێ، ب چى ڕێیان نەشیا دەست ژ ئیران و سووریێ بەردەت، ژبەر ئەوان قه‌رێن لسەر هەردو لایان و ململانەکا نەپاقژ دژی ئەمریکا. هەروەسا ئیرانێ ژی و دەستهەلاتا شیعی ل بەغدایێ، هەمان ئارمانجێن هەین لگەل ئیرانێ و ڕۆسی و سووریێ. ژ لایەکی دیڤە، ئەگەر ژ دەستێ وان بهێت، دێ هەیڤا شیعی دروست کەن. ژ لایەکێ دیڤە، دێ شێن پشتگیرییا ئێکدو کەن ب ئاشکەرایى. هەروەسا دەستهەلاتا بەغدا و سووریێ و ئیرانێ. دێ کوردێن ڕۆژئاڤا کەنە گیسکێ سەدەقێ و قۆربانی. ئەڤەژی د بەرژەوەندیێن تورکیا و ئیراق و سووریا و ئیرانێ دایە. د هەمان دەمدا، دێ ڕەوشا باشۆر لاوازبیت. هەروەسا دێ کۆچبەرێن ئەرەب و کوردێن سووری ل باشۆر و تورکیا پێتر جهـگیربن.

ژبەر هندێ، ل شەڤا ٦ێ لسەر ٧ێ ڤێ هەیڤێ، ئەردۆغانی گۆت: ئەم دێ باژێرەکێ نوو یێ تورکی دروست کەین، لێ موخابن ئەڤە نێزیکی سێ سالانە، هێشتا کوردێن رۆژهەلاتێ ب پێکڤە کارەکێ نەتەوەیی نەکریە. هەروەسا لسەر ڤان هەمی قەیرانان. ئێکدو دئێشینن. وەک هندە پارتێن باشۆر (مخابن) ئەز بباوەرم دێ شەڕێ سووریێ ب دوماهی هێت و ئەگەر بەشار ژی نەمینیت، دێ هەمان دەستهەلاتا شیعە یا کێمینە مینیتە لسەر دەستهەلاتێ، داكو بشێت قه‌رێن سوڤێتی بدەتەڤە. ئەمما ڕۆلێ ئەمریکی، هەمی جاران وەسا نابیت هەر وەکی ئەو بخوازیت ل بەرانبەری بیرکەر و تێگەهشتییان، بەلێ دێ پێچەک ژ بۆ باشۆرێ کوردستانێ باش بیت.

ئەگەر وەکی جاران ئەڤێ هەلێ ژی ژ دەست نەدین، لسەر ناکۆکیێن بێ بنەمایێن نەتەوایەتی، بۆچی دێ بۆ باشۆری پیچەک باش بیت. ئەمریکا دترسیت جارەکادی ئیران کوردێن باشۆرێ كوردستانێ بۆ لایێ خوه‌ ڕابکێشیت و هێزا ئەمریکی وەکی بەرێ ل ئیراقێ و باشۆرێ کوردستانێ کێمکەت یان نەهێلیت. پێدڤییە مللەت بزانیت زۆربەی ناکۆکیێن ڕۆژئاڤا هندە هێزێن باشۆر و پێکەکەبوون، لێ زەرەمەندێن هەرێ مەزن ئەو ب خونە. ڤێچا باب و کالان ژ مێژە گۆتی (ڕەشا ب دەستێن خوه‌، ئەگەر ئاڤێ تۆ بری.) بۆچی من گۆتییە چوار شیعە، نوکە ئەز سوڤێتی ژی وەک شیعه‌ دهه‌ژمێرم.

بابه‌تێن ب ڤێ مژارێ ڤه‌ گرێدای