WAAR-دهۆك:
وه‌زیرێ ده‌رڤه یێ توركیا ل به‌غدا ل گه‌ل سه‌رۆككۆمار و به‌ربژارێ راسپاردی یێ پێكئینانا حكومه‌تا نوو یا ئیراقێ و ژماره‌كا به‌رپرسێن ئیراقی كۆم بوو.
مه‌ولود چاویشئۆغلۆ، وه‌زیرێ ده‌رڤه یێ توركیا، ئه‌ڤرۆ سپێدێ ب سه‌ره‌دانه‌كا فه‌رمی گه‌هشت به‌غدا و ژ ئالیێ بالیۆزێ توركیا ل ئیراقێ پێشوازی لێ هاتە كرن، پاشان ل گه‌ل عادل عه‌بدولمه‌هدی، به‌ربژارێ راسپاردی یێ پێكئینانا حكومه‌تا نوو یا ئیراقێ و محه‌مه‌د حه‌لبووسی، سه‌رۆكێ په‌رله‌مانێ و جێگرێن وی، كۆم بوو.
هه‌روه‌سا چاویشئۆغلۆ، ل گه‌ل سه‌رۆكێ ره‌وتا حیكمه و ژماره‌یه‌كا به‌رپرسێن ئالیێن سیاسی كۆم بوو و پرۆسه‌یا سیاسی یا ئیراقێ و گاڤێن پێكئینانا حكومه‌تا نوو گۆتوبێژ كرن.
داوی كۆمبوونا چاویشئۆغلۆی ژی، ل گه‌ل سه‌رۆككۆمارێ ئیراقێ بوو و تێدا دوپاتی ل به‌رده‌وامییا ئۆپه‌راسیۆنێن دژی په‌كه‌كێ كر.
