چاوا دێ كه‌ساتییا كه‌سێ به‌رانبه‌رى خوه‌ هه‌لسه‌نگینی؟

چاوا دێ كه‌ساتییا كه‌سێ به‌رانبه‌رى خوه‌ هه‌لسه‌نگینی؟

وار – دهۆک :

گومان تێدا نینه‌ كو گه‌له‌ك جاران مرۆڤ د نیاسین و تێكه‌لیكرنێ دا په‌شێمان دبن، ژبه‌ركو ب دروستى روویێ هه‌ڤالێن خوه‌ نانیاسن و وه‌سا هزردكه‌ن هه‌ما ئه‌وا د ده‌روونێ وان ژى دا وه‌كو سه‌روچاڤ و ئاخڤتنێن لسه‌ر لێڤێن وانن، ئه‌ڤجا ژبه‌ر ڤێ ئێكێ ده‌مه‌ك دهێت كو هنده‌ك كریار و ره‌فتارێن كه‌سێن به‌رانبه‌ر بۆ وان دبنه‌ جهێ حێبه‌تیێ، ئه‌ڤجا داكو تو كه‌سێ به‌رانبه‌رى خوه‌ بنیاسى و بزانى چو كه‌ساتى هه‌یه‌ و د چو دۆخ دایه‌، ڤان خالێن ل خوارێ لبه‌ر‌چاڤ وه‌ربگره‌:
1ــ ده‌ما كو دبینى كه‌سه‌ك ب ئاوایه‌كێ نه‌ سروشتى خوارنێ دخۆت، بزانه‌ كو وى كه‌سى نه‌ئارامى روو لێ كرییه‌.
2ــ ده‌ما تو دبینى كه‌سه‌ك دگه‌ل وێ ئێكێ كو مژووله‌، تو دهێیه‌ بیرا وى و پرسیاران ژ ته‌ دكه‌ت، ل وى ده‌مى بزانه‌ ئه‌و كه‌سه‌ یێ راستگۆیه‌.
3ــ ده‌ما دبینى كه‌سه‌ك ناكه‌ته‌ گرى، وێ ئێكێ بزانه‌ كو ئه‌و كه‌سه‌ كه‌سه‌كێ لاوازه‌.
4ــ ده‌ما كو دبینى كه‌سه‌كێ بێده‌نگه‌ و ئاخڤتنێ ناكه‌ت، ل وى ده‌مى بزانه‌ ئه‌و كه‌سه‌ لسه‌ر حه‌قیێیه‌ و كه‌سه‌كێ ب هێزه‌.
5ــ ده‌ما كو دبیتى كه‌سه‌ك گه‌له‌ك دنڤیت و زێده‌تر ژ نیڤا رۆژێ، وێ ئێكێ بزانه‌ كو ئه‌و كه‌سه‌ برینداره‌.
6ــ ده‌ما كو دبینى كه‌سه‌ك بێى سه‌ده‌م و فاكته‌ر و ب تشتێن پووچ و بكێرنه‌هاتى گه‌له‌ك دكه‌ته‌ كه‌نى، ل وى ده‌مى بزانه‌ كوز ئه‌و كه‌سه‌ یێ خه‌مباره‌.
7ــ ده‌ما كو دبینى كه‌سه‌ك ب ئاوایه‌كێ دوباره‌ گرنژین دگریت، وێ ئێكێ بزانه‌ ئه‌و كه‌سه‌ قه‌هرداره‌ (تشته‌ك د دلى دایه‌(.
8ــ ده‌ما كو دبیتى كه‌سه‌ك گرنگیێ ب كه‌سێ ناده‌ت، ل وى ده‌مى بزانه‌ ئه‌و كه‌سه‌ ب سه‌ر خوه‌ دا شكه‌ستییه‌ و ژیان و مرۆڤان چو گرنگى لده‌ف وى نه‌مایه‌.
ئه‌ڤه‌ ئه‌ نیشانن بۆ خواندنا كه‌سێن به‌رانبه‌ر، كو گه‌له‌ك فه‌ره‌ مرۆڤ ڤان نیشانان بزانیت، ژبه‌ركو گه‌له‌ك جاران ئه‌م د رامانا وان ناگه‌هین و وان كه‌سێن ئه‌و نیشانه‌ لده‌ف هه‌ین، سووچدار دكه‌ین و رێزێ لێ ناگرین، لێ ئه‌م نزانین كا ئه‌و د چو بار و دۆخ دانه‌ و ئێش و ئازار د ناخێن وان دانه‌، ئه‌ڤاج ژبه‌ر ڤێ ئێكێ بلا ئێدى دۆخێ هه‌ر كه‌سه‌كى لبه‌ر چاڤ وه‌ربگرین به‌رى كو چو بڕیاران بده‌ین.

بابه‌تێن ب ڤێ مژارێ ڤه‌ گرێدای