چار سه‌ده‌مێن ڤه‌شارتیێن سارییا په‌یوه‌ندییا جنسى لناڤبه‌را هه‌ڤژینان

چار سه‌ده‌مێن ڤه‌شارتیێن سارییا په‌یوه‌ندییا جنسى لناڤبه‌را هه‌ڤژینان

وار – دهۆک :

لگۆره‌ى ڤه‌كۆلینه‌كا ساخله‌میێ، ب رێژه‌یا 40ێ%ێ ژ خه‌لكێ جیهانێ، وه‌سا دبینن كو ژبه‌ركو گوهۆڕینه‌كا كێم، دشێن په‌یوه‌ندیێن سێكسیێن خوه‌ بهێزتر بكه‌ن، لێ پترییا وان نزانن رێیا ڤێ چاره‌كرنێ ل كیڤه‌یه‌. وه‌كو دزانین ژى، هه‌ست و حه‌زا جۆتبوونێ لناڤبه‌را كه‌سه‌كى بۆ ئێك دى جودایه‌، گه‌له‌ك جاران ئه‌ڤ جوداهییه‌ د ناڤبه‌را ژن و مێران دا، كێشه‌یان لناڤبه‌را وان دروست دكه‌ت. ب ئاوایه‌كێ گشتى ژى، پشتى ده‌ربازبوونا هه‌یامه‌كێ ژ پێكئینانا هه‌ڤژینیێ، ئه‌ڤ په‌یوه‌ندیێن سێكسى به‌ره‌ڤ كێمبوونێ دچن و گوهۆڕین ب سه‌ر دا دهێن، سه‌ده‌مێن وێ ژى ژبه‌ر لاوازییا شیانێن له‌شینه‌، لێ ب زێده‌هى ژبه‌ر كارڤه‌دانێن ده‌روونییه‌.
د ڤێرێ دا چار سه‌ده‌مان دێ باسكه‌ین كو هاتینه‌ ژبیركرن و گرنگى پێ نه‌هاتینه‌ دان، لێ وان ب خوه‌ ژى گه‌له‌ك كاریگه‌رى لسه‌ر گۆرانكاریێن شیانێن سێكسى هه‌یه‌:
ئێكه‌م: چاره‌سه‌ركرنا پرچ وه‌رینێ. هه‌ر چه‌نده‌ زه‌لام گه‌له‌ك بێزار دبن ب وێ ئێكێ كو پرچێ وان دوه‌ریت، لێ ده‌ركه‌ڤتییه‌، ژ ڤێ خرابتر ئه‌و چاره‌سه‌رینه‌ كو بۆ ڤێ كێشه‌یێ دهێنه‌ بكارئینان. هه‌موو ئه‌و چاره‌سه‌ریێن بهێزكرنێ وه‌كو چاره‌سه‌رى بۆ پرچى دهێنه‌ بكائینان، دبنه‌ سه‌ده‌ما لاوازبوونا هۆرمۆنێن زه‌لامان.
دووه‌م: بوونا تێله‌ڤزیۆنێ د ژوورا نڤستنێ ڤه‌.. ئه‌و هه‌ڤژینێن ل ژوورا نڤستنێ تێله‌ڤزیۆن هه‌ین، یان ئه‌نترنێتێ بكاردئینن، رێژه‌یا په‌یوه‌ندیێن سێكسیێن وان 50%ێ كێمتره‌ ژ وان كو چو ئامیره‌كێ هۆسا د ژوورا خوه‌ڤه‌ نینن. ئه‌ڤه‌ ژى ژبه‌ركو پترین ده‌مێن خوه‌ دێ ب وان ئامیران ڤه‌ بۆرینن و ده‌مه‌كێ كێم یان چو ده‌م بۆ كریارا سێكسى نامینیت، ئه‌ڤه‌ ژبلى كو دبیت ته‌ماشه‌ى چه‌ند گرته‌یێن خراب بكه‌ن كو كاریگه‌ریێ لسه‌ر ده‌روونێ وان دروستبكه‌ن.
سێهه‌م: ئازارا جۆكان.. ئه‌ڤ كێشه‌یه‌ زێده‌تر بۆ وان هه‌ڤژینانه‌ كو ژییه‌ك ده‌ربازكریه‌، له‌و دڤێت وان ده‌مان ژخوه‌ نه‌كه‌ن كو كێمتر ئازار هه‌ین، ل ڤێ ژى گرنگتر دڤێت ب رێیا وه‌رزشێ و سه‌ره‌دانا به‌رده‌واما نۆشدارى، چاره‌سه‌رییا وان ئازاران بكه‌ن.
چاره‌م: نه‌خوه‌شی پییێن ددانان.. هه‌موو ئه‌و زه‌لامێن كێشه‌ د پییێن د ده‌ڤێن خوه‌ دا هه‌ین، كێشه‌ د ره‌قبوونا ئامیرێ خوه‌ دا هه‌نه‌. درێژبوونا ژى، شه‌كر، نه‌خوه‌شیێن دلى و گه‌له‌ك سه‌ده‌مێن دى بۆ ڤێ كێشه‌یێ هه‌نه‌.

بابه‌تێن ب ڤێ مژارێ ڤه‌ گرێدای