پەکەکێ 3 سەربازێن تورکیا کوشتن

پەکەکێ 3 سەربازێن تورکیا کوشتن

WAAR-دهۆك:

ھێزێن پاراستنا گەل ھەپەگێ، د دو ھێرشان دا 3سەربازێن سوپایێ تورکیا کوشتن.
ناڤەندا راگەھاندنا ھەپەگێ بالێ سەربازی یێ پارتییا کارکەرێن کوردستانێ پەکەکێ د راگەھاندنەکێ دا ئاماژە ب چالاکییەکا گەریلایان دا و دیارکر: ئەڤرۆ سپێدێ گەریلایان ھێرشی سوپایێ تورکیا کر و ل گەلیێ پخاسای 2 ھێرش کرنە سەر سوپایێ تورکیا و تێدا سێ سەربازێن کوشتن.
ھەپەگێ خوەیا ژی کر: ھەلیکۆپتەرێن سوپایێ تورکیا چەندین دەڤەرێن گرێدایی چەلێ یا سەر ب جۆلەمێرگێ ڤە بۆمبەباران کرن و دوپات کر: کو چ زیان ب ھێزێن وان نەکەفتینە.
ئەڤە ددەمەکێ دایە کو هەر ئەڤرۆ فەرماندارییا جەندرمەیان یا پارێزگەھا سێرتێ ل باکۆرێ کوردستانێ راگەهاند: وان ب ھەماھەنگی ل گەل فرۆکەیێن شەرکەر دئۆپەراسیۆنەکا بەرفەرھـ لسەر پێگەھێن گەریلایێن پەکەکێ حەفت گەریلا ھاتن ھنگافتن و ئۆپەراسیۆ‌ن ل دەڤەرێ بەردەوامن.

بابه‌تێن ب ڤێ مژارێ ڤه‌ گرێدای