پەکەکێ کوشتنا 14 سەرباز و دژەگەریلایان راگەھاند

پەکەکێ کوشتنا 14 سەرباز و دژەگەریلایان راگەھاند

WAAR-دهۆك:

پەکەکێ کوشتنا کوشتنا چاردە سەرباز و دژەگەریلایێن تورکیا ل دەڤەرێن جودا یێن ھەرێم و باکۆرێ کوردستانێ، راگەھاند کو فەرماندارەک د ناڤ دا بوو.
ناڤەندا راگەھاندنێ یا ھێزێن سووریایا دیمۆکراتیک، ھەسەدێ د بەیانەکا نڤیسکی دا راگەھاند: شەرڤانێن وان دوھی و پێر ھێرشێن جودا ل دەڤەرێن خواکۆرکا ھەرێما کوردستانێ و شەمزینانا ب سەر پارێزگەھا جۆلەمێرگێ یا باکۆرێ کوردستانێ ڤە ل سەر سوپایێ تورکیا کرن و د ئەنجام دا چەندین چەپەرێن سوپایێ ژناڤ برن و ھەری کێم کوشتنا حەفت سەربازان پشتراست کر و چەندین سەرباز ژی بریندار کرن.
ھەپەگێ ئاشکەرا ژی کر کو گەریلایان د رۆژێن بووری دا چالاکییەک ل دژی ھێزێن دژەگەریلایان یێن کوردی یێن سەر ب سوپایێ تورکیا ژی ڤە کرییە و حەفت دژەگەریلا کوشتینە و دەھـ بریندار کرینە.
ھەپەگێ ھەروەسا ڤیدیۆیا چالاکییەکا مەھا خزیرانێ یا گەریلایان ل دژی دژەگەریلایان بەلاڤ کر کو گەریلا تێدا ترومبێلەکا سڤیل یا ڤەگۆھاستنا وان دپەقینین و حەفت دژەگەریلایان دکوژن و و دیار کر کو مەدیایا تورکیا د چارچووڤەیا شەرێ تایبەت دا، کوشتنا دژەگەریلایان وەک ئارمانجگرتنا سڤیلان ددەت پێشچاڤکرن، لێ دژەگەریلا ب جل و ترومبێلێن سڤیلان چاڤدێرییا جھێن گەریلایان دکەن و پاشان ناڤ و نیشانان ژ بۆ بۆمبەبارانکرنێ ددەن ھێزێن ئاسمانی یێن تورکیا.

بابه‌تێن ب ڤێ مژارێ ڤه‌ گرێدای