پەڕلەمانێ ئیرانێ بودجەیا بەرگریێ زێدە کر

پەڕلەمانێ ئیرانێ بودجەیا بەرگریێ زێدە کر

WAAR-دهۆک:

پەڕلەمانێ ئیرانێ ئەڤرۆ پرۆژەیاسایێ زێدەکرنا بودجەیا بەرگریێ پەسەند کر و بریار ل سەر دەستنیشانکرنا ئەمریکیێن پشتەڤانێن تیرۆرێ دا.
ل گۆری ئاژانسا فەرمی یا ئیرانی یا نووچەیان ئێرنا، پەڕلەمانێ ئیرانێ د روونشتنا خوە یا ئەڤرۆ دا ب دوسەد و چل دەنگان ژ سەرجەمێ دوسەد و چل و حەفت ئامادەبوویان، پرۆژەیاسایێ زێدەکرنا بودجەیا بەرگریێ ژ بۆ پێشڤەبرنا سیستەمێن مۆشەکان پەسەند کر و ژێدەری کوژمێ بۆ وەزارەتا بەرگریێ ھاتییە دانان، ئاشکرا نەکر.
پەڕلەمانی ھەر د روونشتنا ئەڤرۆ دا پەسەند کرییە کو کەسایەتیێن ئەمریکی یێن پشتەڤانییا تیرۆرێ کرین، بھێنە دەستنیشانکرن و سزا ل سەر بھێنە دانان و پشتی دەنگدانێ ھەموو پەڕلەمانتاران ب ئێک دەنگ درووشمێ “مرن بۆ ئەمریکا” گۆتینە.
ئەمریکا و ئیرانێ ل سەردەمێ ئیدارەیا ئۆبامای رێکەفتنا پێنج کۆم ئێک ئیمزا کربوون، لێ پشتی ئیدارەیا نوو یا ئەمریکا دەستبکار بووی، چەندین سزایێن نوو ل سەر کۆمارا ئیسلامی ھاتینە دانان و پەسەندکرنا ڤی پرۆژەیێ پەڕلەمانی، وەک بەرسڤەک ژ بۆ واشنتۆنە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.