پەرلەمانێ کوردستانێ.. ژڤانێ پێشکێشکرنا بەربژارێن سەرۆکاتییێ دوماهى هات

پەرلەمانێ کوردستانێ.. ژڤانێ پێشکێشکرنا بەربژارێن سەرۆکاتییێ دوماهى هات

WAAR-دهۆك:

په‌ڕله‌مانێ كوردستانێ ژ ڤانێ وه‌رگرتنا سیڤییێن به‌ربژارێن سه‌رۆكاتییێ ب دوماهى ئینا و ئه‌ڤرۆ پارتى ناڤێ نێچیرڤان بارزانى پێشكێشكر.
بەشدار حسێن، پەیامنێرێ وار ل هەولێرێ راگه‌هاند؛ ئه‌ڤرۆ سعه‌ت 11ى سپێدێ، ژڤانێ پێشکێشکرنا بەربژارێن سەرۆکاتییا هه‌رێما كوردستانێ ب دوماهى هات و پارتى ب فه‌رمى ناڤێ نێچیرڤان بارزانى بۆ وى پۆستى پێشكێشكر و په‌رله‌مان د ده‌مێ دو رۆژێن بهێن دا، دێ پێداچوونا سیڤیێن به‌ربژاران كه‌ت و رۆژه‌كێ بۆ هه‌لبژارتنا سه‌رۆكى دیاركه‌ت.
پەیامنێرێ وار گۆت ژى: 5 كه‌سان خوه ‌بۆ سه‌رۆكاتییا هه‌رێمێ به‌ربژاركرییه‌، پارتى كو مه‌زنترین فراكسیۆنا په‌ڕله‌مانى یه‌، نێچیرڤان بارزانى به‌ربژاركرییه‌، 4  به‌ربژارێن سه‌ربه‌خوه‌ ژى هه‌نه‌، ئه‌و ژى دكتور فه‌رهاد پیربال، ئومێد بالانی، یاسین عەبدوللا، رێبوار عەزیز مستەفا، لێ ژبلى پارتى چ فراكسیۆنێن په‌رله‌مانى به‌ربژار نینن.
ل گۆره‌ى زانیاریێن وار، حه‌فتییا بهێت دێ په‌رله‌مانێ كوردستانێ كۆمبیت و سه‌رۆكێ هه‌رێمێ هه‌لبژێریت.

بابه‌تێن ب ڤێ مژارێ ڤه‌ گرێدای