پەرلەمانێ ئیراقێ ئەڤرۆ دێ گۆتوبێژا ھنارتنا پەترۆلا ھەرێمێ کەت

پەرلەمانێ ئیراقێ ئەڤرۆ دێ گۆتوبێژا ھنارتنا پەترۆلا ھەرێمێ کەت

WAAR-دهۆك:

پەرلەمانێ ئیراقێ ئەڤرۆ دێ کۆم بیت و گۆتوبێژا پرسا ھنارتنا پەترۆلا ھەرێما کوردستانێ کەت، نوونەرێ سەرۆکوەزیرێن ئیراقێ و وەزیرێن پەترۆلێ و دارایی ژی دێ بەرھەڤی روونشتنێ بن.
پەرلەمانێ ئیراقێ ئەڤرۆ رۆژا پێنجشەمبێ دێ روونشتنا خوە یا ھەژمار سیھـ و دو ب ئامادەبوونا نوونەرێن عادل عەبدولمەھدی، سەرۆکوەزیرێ ئیراقێ و وەزیرێن دارایی و پەترۆلێ گرێدەت، تێدا دێ گۆتوبێژ ل سەر پەترۆلا ھەرێما کوردستانێ و بجھئینانا قانوونا بودجەیێ ھێت کرن.
د روونشتنا دوشەمبا بۆری یا پەرلەمانی دا، سەرۆکاتییا پەرلەمانی رازی بوو پرسا پەترۆلا ھەرێمێ بھێت گۆتوبێژکرن، پشتی ھەژمارەکا پەرلەمانتاران ئەو داخوازی کری.
ل گۆری راگەھاندنەکا سەرۆکاتییا پەرلەمانی، ھەر ئالییەکێ گۆتوبێژ و پرسێن نەگونجایی و ژدەرڤەی قانوونا بودجەیێ ل سەر پەترۆلا ھەرێما کوردستانێ بکەت، دێ رێکارێن قانوونی ژ ئالییێ پەرلەمانی ڤە بۆ ھەبن.

بابه‌تێن ب ڤێ مژارێ ڤه‌ گرێدای