پەرلەمانتارەکێ ئەلمانی: نابیت دەنگێن سەرخوەبوونا کوردان پشتگوھـ بێخن

پەرلەمانتارەکێ ئەلمانی: نابیت دەنگێن سەرخوەبوونا کوردان پشتگوھـ بێخن

WAAR-دهۆك:

پەرلەمانتارەکێ ئەلمانی ژ پارتییا ئەنگێلا مێرکلێ ل سەر داخویانیێن وێ ھاتە دەنگ و راگەھاند؛ ئەو ھەژمارا مەزنا دەنگان یا ل ھەرێما کوردستانێ بۆ سەرخوەبوونێ ھاتیە دان، نابیت پشتگوھـ بھێت ھاڤێتن.
مارک ھاوپتمان، ئەندامێ پەرلەمانێ فیدرال یێ ئەلمانیا ل سەر پارتییا کرستیانا دیمۆکرات بەیانەک ب ناڤێ، ھەر نھا دەولەتێ بدەنە کوردان بەلاڤ کر و راگەھاند؛ حکومەتا ئەلمانیا دەبل ستانداردە بۆ پرسێن گریدای چارەنڤیسێ مللەتان، بۆ کۆسۆفۆ پشتەڤان بوون، لێ بۆ کوردان وەسا نینە.
پەرلەمانتارێ پارتییا ئەنگێلا مێرکل راگەھاند؛ ئیراق وەلاتەکە ب درێژاھییا دیرۆکێ ئێک نەتەوە نەبوویە، بەلکو شێوازەکێ دەستکردێ دەولەتێ یە و ل دەمێ نەخشەکرنا سنۆران داگیرکاری دروست ببوو، ژبەر وێ یەکێ ژی پێدڤی ناکەت بنیاتێ ئیراقێ ب نەچاری بھێت پاراستن.
ل دۆر دەنگێن سەرخوەبوونا کوردستانێ ژی ھاپتمان ئاشکرا کر، نابیت ئەو ھەژمارا مەزن یا دەنگێن بۆ سەرخوەبوونێ ھاتینە دان، بھێنە پشتگوھـ ھاڤێتن.

بابه‌تێن ب ڤێ مژارێ ڤه‌ گرێدای