پێنتاگۆن: داعش د بنیات دا نەھاتییە شکاندن

پێنتاگۆن: داعش د بنیات دا نەھاتییە شکاندن

WAAR-دھۆك:

وەزارەتا بەرگرییا ئەمریکا پێنتاگۆنێ و پشکەکا بسپۆرێن نەتەوەیێن ئێکگرتی، ھۆشداری دان کو داعشێ د بنیات دا نەھاتیە شکاندن و ب تنێ ئەرد ژ دەستێن وان ھاتیە دەرخستن، ئەو رێکخستن ژی ھێشتا یا چالاکە و ب ملیۆنان دۆلار ل بەردەستی ھەنە.
پێنتاگۆنێ د داوی راپۆرتا خوە دا ئاشکرا کرییە، ھەر چەندە ئەو ئەردێ داعشێ خیلافەت ل سەر راگەھاندی ژ دەسان ھاتیە دەرخستن، لێ ئەو رێکخستن ڤەگەریایە و ھێرشێن خوە ل ئیراقێ زێدەتر لێکرینە و نھا ل سووریێ ژی چالاک بوویە.
پێنتاگۆنێ ئاشکرا کر، داعش بۆ دوبارە رێکخستنا خوە ل ئیراقێ و سووریێ سەرکەفتی بوویە، نھا ژی ژ چاردە تا ھەژدە ھزار چەکداران ھەنە و ب ھزاران ژ وان بیانی نە.
ژ ئالییێ خوەڤە، یەحیا رەسوول، پەیڤدارێ فەرماندارییا ئۆپەراسیۆنێ ھەڤپشکێن ئیراقێ رەتکر کو چاردە ھزار چەکدارێن داعشێ ل ئیراقێ و سووریێ مابن، پێنتاگۆنێ ژی ئەو ھەژمار ب زێدەیی بەلاڤ کرییە.

بابه‌تێن ب ڤێ مژارێ ڤه‌ گرێدای