پێنتاگۆن: ئه‌مریكا دێ پشته‌ڤانییا خوه‌ بۆ پێشمه‌رگه‌ی به‌رده‌وام كه‌ت

پێنتاگۆن: ئه‌مریكا دێ پشته‌ڤانییا خوه‌ بۆ پێشمه‌رگه‌ی به‌رده‌وام كه‌ت

WAAR-دهۆك:

وه‌زاره‌تا به‌رگرییا ئه‌مریكا پێنتاگۆنێ راگه‌هاند: سه‌ره‌رای بداویهاتنا ده‌مێ دابینكرنێن دارایی یێن ئه‌مریكا بۆ هێزێن پێشمه‌رگه‌ یێن كوردستانێ، پشته‌ڤانییا ئه‌مریكا بۆ پێشمه‌رگه‌ی دێ به‌رده‌وام بیت.
ئێریك باهۆن، په‌یڤدارێ پێنتاگۆنێ ئاشكرا كر كو پرۆتۆكۆلا لێكتێگه‌هشتنێ یا د ناڤبه‌را وه‌زاره‌تا به‌رگرییا ئه‌مریكا و حكومه‌تا هه‌رێما كوردستانێ هاتییه‌ ئیمزا كرن، ده‌می وێ ل ته‌باخا ئه‌ڤ ساله‌ بداوی هاتییه‌ و داوی گه‌را پاره‌یێ ته‌رخانكری ل ده‌ستپێكا مه‌ها بۆری هاتییه‌ گه‌هاندن.
باهۆنی گۆت ژی: هه‌تا ئه‌گه‌ر پرۆتۆكۆلا لێكتێگه‌هشتنێ د ناڤبه‌را هه‌ردو ئالییان دا نه‌هێته‌ نووكرن ، به‌رگرییا ئه‌مریكا دێ به‌رده‌وامییێ ده‌ته‌ پشته‌ڤانیكرنا پێشمه‌رگه‌ی د بیاڤێن له‌شكه‌ری و هاریكاریێن كه‌رتێ ئێمناهیێ كو مه‌شقدان و پرچه‌ككرنێ بخوه‌ڤه‌ دگریت.
ل سێزده‌ی تیرمه‌ها پارسال به‌رگرییا ئه‌مریكا و هه‌رێما كوردستانێ پرۆتۆكۆله‌كا لێكتێگه‌هشتنێ ئیمزا كربوو كو ژ پشته‌ڤانییا دارایی و له‌شكه‌ری یا ئه‌مریكا بۆ پێشمه‌رگه‌ی پێكدهات.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.