پێشمه‌رگێ رۆژئاڤا دێ ڤه‌گه‌ڕیت

پێشمه‌رگێ رۆژئاڤا دێ ڤه‌گه‌ڕیت

وار – دهوك :

پارتا دیموكراتا كوردستانا سووریا راگه‌هاند، زێده‌تر ژ 6 هزار كه‌س د هێزێن پێشمه‌رگێ رۆژئاڤا دا ل هه‌رێما كوردستانێ راهێنانێن سه‌ربازى بداوى ئیناینه ‌و دێ ڤه‌گه‌ڕنه ‌رۆژئاڤا كوردستانێ.

په‌یڤدارێ پارتا دیموكراتا كوردستانا سووریا، نه‌شئه‌ت زازا راگه‌هاند، چۆنا وى پێشمه‌رگه‌ى بۆ رۆژئاڤا گرنگه‌ و بتنێ وان ل هه‌رێمێ په‌روه‌رده‌یا سه‌ربازى وه‌رگرتییه‌ و ئه‌و پێشمه‌رگه‌ كو هه‌ژمارا وان 11 فه‌وجن ژ شه‌ش هزار كچ و كوران پێكهاتینه ‌و تایبه‌تن ب رۆژئاڤا و جڤاتا نشتیمانییا كوردى ڤه‌.

ده‌رباره‌ى ره‌وشا رۆژئاڤا ژى دیاركر، نها رۆژئاڤا پێدڤى ب وى پێشمه‌رگه‌ى و هێزێن هه‌ڤپه‌یمان هه‌یه داکو ب پارێزن.
هه‌روه‌سا زازا گۆتژى، ل ده‌ما چۆنا وان دێ ژووره‌كا ئۆپه‌راسیۆنان هێته‌پێكئینان و دێ دگه‌ل هێزێن هه‌ڤپه‌یمان پشكدار بن و دێ بۆ جهێن پێدڤى هێنه ‌ره‌وانه‌كرن.
ئاشكراكر، تا نها په‌یه‌ده‌ ب ته‌مامى رازى نه‌بوویه ‌لێ وان ژى پێدڤى ب پێشمه‌رگێ رۆژئاڤا و هێزێن هه‌ڤپه‌یمان هه‌یه ‌و بتنێ نها رێككه‌ڤتن هاتییه‌كرن و په‌یه‌ده ‌ب دلخۆشى ئه‌رێ ناكه‌ت، هه‌ڤپه‌یمان ژى ڤێ ب كاره‌كێ باش نزانن.
دوهى هه‌ر ئێك ژ سه‌رۆكێ هه‌رێما كوردستانێ، مه‌سعوود بارزانى و هه‌ڤسه‌رۆكێ پارتا ئێكه‌تییا دیموكرات، په‌یه‌دێ سالح موسلم و نوونه‌رێ حكومه‌تا ئه‌مریكا ل هه‌ولێرێ كۆمبوون و ره‌وشا مه‌یدانى یا به‌ره‌یێن رووبرووبونا داعشێ گوتوبێژكرن.

بابه‌تێن ب ڤێ مژارێ ڤه‌ گرێدای