پیسکۆڤ: کریمیا گراڤه‌کا رۆسی یه‌

پیسکۆڤ: کریمیا گراڤه‌کا رۆسی یه‌

WAAR-دهۆك:

سه‌رۆکاتییا رۆسیا د به‌رسڤا سه‌رۆکێ ئۆکراینا دا دیار کر کو کریمیا گراڤه‌کا رۆسی یه.
دیمیتری پیسکۆڤ، په‌یڤدارێ سه‌رۆکاتییا رۆسیا د به‌رسڤا رۆژنامه‌ڤانان دا ل دۆر سۆزا سه‌رۆکێ نووهه‌لبژارتی یێ ئوکراینا یا ڤه‌گه‌راندنا گراڤا کریمیا ژ ده‌ست رۆسیا بۆ ژێر سه‌روه‌رییا ئوکراینا، راگه‌هاند: وان زێده‌تر ژ جاره‌کێ گۆتییه‌، چ پرسێن گراڤا کریمیایێ نینن، ژ به‌ر کو کریمیا هه‌رێمه‌کا رۆسی یه‌.
پیسکۆڤی هه‌روه‌سا گۆت: پێدڤییه ‌سه‌رۆکێ ئوکراینا پرسێن ناڤخوه‌یی یێن ئوکراینا ژی ل گۆری رێککه‌فتنا مینسک چاره‌بکه‌ت و هه‌ر ده‌ما شیا یه‌که‌مین سه‌رکه‌فتن د وێ پرسێ و ئاساییکرنا تێکلییێن رۆسی-ئوکراینی دا بده‌ست بێخیت، ڤلادیمێر پۆتین، سه‌رۆکێ رۆسییا دێ پیرۆزباهییێن هه‌لبژارتنا وی که‌ت.
ڤلادیمێر زیلنسکی، سه‌رۆکێ نووهه‌لبژارتی یێ ئوکراینا به‌ری دو رۆژان سۆز دابوو گراڤا کریمیا ژ ده‌ست رۆسیا ده‌ربێخیت و ڤه‌بگه‌رینیت ژێر سه‌روه‌رییا ئوکراینا.

بابه‌تێن ب ڤێ مژارێ ڤه‌ گرێدای