پۆمپێیۆ و عەبدولمەھدی رەوشا دەڤەرێ گۆتۆبێژ کر

پۆمپێیۆ و عەبدولمەھدی رەوشا دەڤەرێ گۆتۆبێژ کر

WAAR-دهۆك:

وەزیرێ دەرڤە یێ ئەمریکا ئەڤرۆ ب تێلەفۆنی دگەل سەرۆکوەزیرێ ئیراقێ ئاخفت, ھەر دو ئالییان رەوشا دەڤەرێ ب گشتی گۆتوبێژ کر.
ل گۆری ئۆفیسا راگەھاندنێ یا عادل عەبدولمەھدی سەرۆکوەزیرێن ئیراقێ، ئەڤرۆ مایک پۆمپێیۆ وەزیرێ دەرڤە یێ ئەمریکا پەیوەندییەکا تێلەفۆنی ب سەرۆکوەزیرێن ئیراقێ کر.
ئۆفیسا سەرۆکوەزیرێن ئیراقێ دیار کر: کو ھەر دو ئالییان رەوشا سیاسی و ئێمناھی، ھەروەھا مۆکۆمکرنا پەیوەندییێن د ناڤبەرا بەغدا و واشنتۆنێ دا گۆتوبێژ کرن.
پەیوەندییا تێلەفۆنی یا پۆمپێیۆی و عەبدولمەھدی ل دەمەکی یە، نھا دەڤەر ژ بەر وێ ھێرشا حۆسییان کریە سەر پەترۆلگەھێن کۆمپانییا ئارامکۆ یا سعوودی رووبرووی چەندین گرژیان بوویە، ھەروەھا ھەژمارەکا مەدیا و تۆرێن جڤاکی بەلاڤکریە کو ئاخا ئیراقێ بۆ وان ھێرشان ھاتییە ب کارئینان لێ حکومەتا ئیراقێ وێ یەکێ رەت دکەت.

بابه‌تێن ب ڤێ مژارێ ڤه‌ گرێدای