پۆمپێیۆ بۆ مەسروور بارزانی: ئەمریکا پشتەڤانا ھەرێما کوردستانێ یە

پۆمپێیۆ بۆ مەسروور بارزانی: ئەمریکا پشتەڤانا ھەرێما کوردستانێ یە

WAAR-دهۆك:

وەزیرێ دەرڤە ئەمریکا د پەیوەندییەکا تەلەفۆنی دا ل گەل سەرۆکوەزیرێ ھەرێما کوردستانێ، پشتەڤانییا وەلاتێ خوە بۆ ھەرێمێ دوپات کر.
مایک پۆمپێیۆ وەزیرێ دەرڤە یێ ئەمریکا، ب رێیا تەلەفۆنێ پەیوەندی ب مەسروور بارزانی سەرۆکوەزیرێ ھەرێما کوردستانێ کر و زێدەباری پیرۆزباھیێن خوە ل سەرۆکوەزیران، دوپاتی ل پەیوەندیێن دوستانە یێن د ناڤبەرا ئەمریکا و ھەرێما کوردستانێ دا کر، ھەروەسا پشتەڤانییا وەلاتێ خوە بۆ کابینەیا نوو یا حکومەتا ھەرێمێ نیشان دا و ب تایبەت د وارێ چاکسازیێ دا.
ھەر د وێ پەیوەندیێ دا پۆمپێیۆی خوەشحالییا خوە ب سەرەدانا شاندا ھەرێما کوردستانێ بۆ بەغدا نیشان دا و گۆت: ئەمریکا ھەردو ئالیان ھان ددەت ب رێیا دانوستاندنان کێشەیان چارەبکەن.
ژ ئالیێ خوەڤە سەرۆکوەزیرێ ھەرێمێ دوپات کر: چارەکرنا کێشەیان ل گەل بەغدا، پێدڤییە ب ئاوایەکی بیت کو ماف و ئەرکێ ھەموو ئالیەکی ل بەرچاڤ بھێت وەرگرت و ھەروەسا بەحس ل گرنگییا بەردەوامبوونا ھاریکاریێن ئەمریکا بۆ ھێزێن پێشمەرگەی کر.

بابه‌تێن ب ڤێ مژارێ ڤه‌ گرێدای