پۆمپێیۆ: ئەمریکا شیانێن ئیرانێ سنۆردار کرینە

پۆمپێیۆ: ئەمریکا شیانێن ئیرانێ سنۆردار کرینە

WAAR-دهۆك:

وەزیرێ دەرڤە یێ ئەمریکا سیاسەتا وەلاتێ خوە بەرانبەر ئیرانێ ب کاریگەر ناڤ کر و راگەهاند، ئەمریکا پشتەڤانییا ئیرانێ بۆ گرۆپێن میلیشیا سنۆردار کرییە.
مایک پۆمپێیۆ وەزیرێ دەرڤە یێ ئەمریکا د داخۆیانییەکێ دا رگەهاند، سیاسەتا ئیدارەیا ئەمریکی بەرانبەر ئیرانێ و سەپاندنا سزایان ل سەر وی وەلاتی، د جهێ خوە دا بوون و بووینە ئەگەر کو پشتەڤانییا ئیرانێ بۆ گرۆپێن چەکدار ل ئیراقێ، حزبوللا ل لبنانێ و حۆسیێن یەمەنێ، سنۆردار ببیت.
دیار ژی کر، ئەمریکا د دەمەکێ کێم دا زانی کو ئیرانێ شیانێن بەرهەمئینانا چەکێ ئەتۆمی هەنە و نها ستراتیژییەکا نۆ بۆ بدەستڤەئینانا سەقامگیریێ ل رۆژهەلاتا ناڤین دەستپێ کرییە و دەربارەی ئاساییشا رێیێن دەریایی، خۆیا کر، نها واشنتۆن بۆ بدەستڤەئینانا ئاساییشا رێیێن بازرگانی یێن دەریایی، کار ل سەر پێکئینانا هەڤپەیمانییەکا نێڤدەولەتی دکەت.

بابه‌تێن ب ڤێ مژارێ ڤه‌ گرێدای