پۆمپیۆ: پێدڤییە ئیران رەفتارێن خوە بگھوریت

پۆمپیۆ: پێدڤییە ئیران رەفتارێن خوە بگھوریت

WAAR-دهۆك:

وەزیرێ دەرڤەیێ ئەمریکا راگەھاند: گەلێ ئیرانێ ژیارەکا باشتر دڤێت و پێدڤییە حکومەتا وی وەلاتی رێزێ ل بنەمایێن مافێن مرۆڤی بگریت.
مایک پۆمپیۆ، د ھەژمارا خوە یا تویتەری دا بەلاڤکر: ئەمریکا ژ نێزیک چاڤدێرییا رەوشا خوەنیشاندانێن ئیرانێ دکەت و توندوتیژیێن رژێما وی وەلاتی ل دژی خوەنیشاندەران شەرمزار دکەت.
دیار ژی کر: پێدڤییە حکومەتا ئیرانێ توندوتیژیێن ل دژی گەلێ خوە رابگریت و ئێنتەرنێتێ ڤەگەرینیت.
وەزیرێ دەرڤەیێ ئەمریکا ئاشکەرا ژی کر: پێدڤییە ئیران دەستبەرداری سیاسەتێن نەسەقامگیری و ئالۆزییان د دەڤەرێ دا ببیت و وەک وەلاتەکێ ئاسایی سەرەدەریێ بکەت ژ بەرکو ئەو بژاردەیە ل بەردەستێ ئیرانێ بخوەیە.

بابه‌تێن ب ڤێ مژارێ ڤه‌ گرێدای