پۆلیسێن کەرکووکێ: داعش کچێن کوردێن شنگالێ ل حەویجە دفرۆشیت

پۆلیسێن کەرکووکێ: داعش کچێن کوردێن شنگالێ ل حەویجە دفرۆشیت

Capture

وار – كوردۆ رۆژهات :

پشتى كو ده‌ڤه‌را شنگالێ کەڤتییە د دەستێن چەکدارێن داعش دا، پرانییا هه‌ڤنیشتمانیێن ڤێ ده‌ڤه‌رداریێ ئاوارەبوون، هنده‌ك ژ وان ژى ب ژن و زه‌لام ڤه‌ کەڤتنە د دەستێن وان چەکداران دا، كو وان زه‌لام کوشتن و ژن ژى وەکو دەستکەڤتێن شه‌ڕى بەرەڤ دەهان جهان برن، ئه‌وا كو هاتییه‌ زانین و ژ بال چەند رێکخراوان ڤە هاتییه‌ پشتڕاستکرن، چەکدارێن داعش بازرگانیێ ب وان کچ و ژنان دکەن.

تۆرا مه‌دیایى یا رووداوێ ژ بال زێده‌تر ژ چاڤكانییه‌كى بۆ ئاشکرابوویە، کو چەکدارێن داعش کچێن کوردێن شنگالێ ل سنوورێ حەویجە دفرۆشن. ل گۆره‌ى پێزانینێن هه‌مان تۆرا مه‌دیایى، چەکدارێن داعش کچێن کوردێن شنگالێ ل سنوورێ حەویجە دفرۆشن.
عەمید سەرحەد قادر، ڕێڤەبەرێ پۆلیسێن ده‌ڤه‌ردارى و ناوچه‌یێن کەرکووکێ، ئه‌و نووچه‌یه‌ بۆ (تۆڕا مه‌دیایی یا رووداو)ێ پشتڕاستکرییه‌ و گۆت: ‘’د هه‌یامێن بۆرى دا ژ بال زێده‌تر ژ چاڤكانییه‌كێ پێزانین گه‌هشتینه‌ به‌ر ده‌ستێن مه‌ كو چەکدارێن داعش کچێن کوردێن شنگالێ ل سنوورێ ده‌ڤه‌ردارییا حەویجە دفرۆشنە ب وان کەسان کو حه‌ز لسه‌ر وان كچان هه‌بن’’.
پۆلیسێن کەرکووکێ بزاڤ كرینه‌ وان کچان ژ دەستێن وان چه‌كدارێن داعش بیننه‌ ده‌ر، لێ بزاڤێن وان بێ ئەنجام بووینە، سەرحەد قادر دبێژیت: ‘’مه‌ ژ بال چاڤكانیێن خوه‌ ڤه‌ زانییه‌ كو ئەو کچێن كوردێن شنگالێ ژ مووسلێ ئیناینه‌ سنوورێ ده‌ڤه‌ردارییا حەویجە و ل چەند مالان داناینه‌ و هه‌ر ل وێرێ وان دفرۆشن، مه‌ دگه‌ل ئیدارەیا کەرکووکێ و ب رێیا چەند کەسان بزاڤ كرینه‌ و ب دەهان ئاوایێن جودا کو وان کچان ل چه‌كدارێن داعش وەربگرینەڤە، لێ هه‌موو بزاڤێن مه‌ بێ ئەنجام بوون’’.
هه‌ر ل گۆره‌ى پێزانینێن رووداو، ئەو کچێن ل تەلزەهەب و عەباسی و زاب و حەویجە، هژمارا وان د سەر 25 کەسان دایه‌ و ل وان مالان ژى داناینه‌ كو خودانێن وان مالان پێشتر ئەندام پەرلەمان بوون یان ژى پۆلیس و ڕێڤەبەرێن فەرمانگەهێن وێ ده‌ڤه‌رێ بوون و خانیێن وان ژ بال چەکدارێن داعش ڤە هاتینه‌ داگیرکرن.
هنده‌ك ژ وان كچان ل ناوچه‌یا عەباسی و ل مالا ئەفسەره‌کێ پۆلیسانن ب ناڤێ سەگر و ژ بال بەرپرسه‌کێ داعش ڤە بە ناڤێ محەممەد تەها عەبدولوەهاب ئه‌و كچه‌ ئیناینه‌ وێرێ و ئەو كچێن ل حەویجە ژ بال بەرپرسه‌کێ داعش ڤە ب ناڤێ ئەبو حەسەن ئیناینه‌ و ل مالا تەها ئەحمەد خزر ل گوندێ شەملان دەستەسەرکرینه‌.

بابه‌تێن ب ڤێ مژارێ ڤه‌ گرێدای