پۆكیتینۆ ژ راهێنه‌رییا تۆتنهامێ هاته‌ دوورخستن

پۆكیتینۆ ژ راهێنه‌رییا تۆتنهامێ هاته‌ دوورخستن

WAAR-دهۆك:

یانەیا تۆتنھام ھوتسپێر یا ئنگلیزی راھێنەرێ خو یێ ئەرجەنتینی ماوریسیۆ پۆکیتینۆ ژبەر ئەنجامێن خرابێن ڤی وەرزی دوورخست . دوورخستنا پوکیتینوی پشتی بوونا بتنێ پێنج مەھان ژ دەربازبوونا فینالا چامپییۆنز لیگێ ھات، و دەستپێکا خرابا تیمێ لڤی وەرزی و دوراندنێن بەردەوام بوونە ئەگەرێن دوورخستنا وی، و یانەیا لەندەنی دبەیاننامەیا خودا دیارکر، وان دەست ژ راھێنەرێ خو پوکیتینوی و دەستەیا وی یا راھێنەرییێ ئەوێن ژ خیسوس پیرێز، میگێل داگوستینۆ و ئەنتۆنی خیمینێزی پێکھاتی بەردا، ئەنجامێن تیمێ لداوییا وەرزێ بووری و دەستپێکا ڤی وەرزی د دلگرانبوون لەوما وان ئەڤ بریارە وەرگرت.

ھەر لدوور یانەیا سپێرز کو بفەرمی دامەزراندنا جوزێ مورینیو یێ پورتۆگالی وەکو راھێنەرێ خوە یێ نوو ل شوونا یێ دوورخستی ماوریسیو پوکیتینوی راگەھاند ….. یانەیا لەندەنی دبەیاننامەیا خودا دیارکر ھەڤبەستا مورینیوی دگەل توتنھامێ ھەتا داوییا وەرزێ ٢٠٢٣ – ٢٠٢٤ یە، مورینیوی ژ ١٨ کانوونا ئێکێ یا پار سال دەمێ ژ راھێنەرییا مانچستەر یۆنایتدێ ھاتییە دوورخستن، راھێنەرییا چ یانەیان نەکربوو، و تۆتنھام دبیتە سێیەم یانەیا ئنگلیزی سەرپەرشتییا وێ دکەت پشتی یانەیێن مان یۆنایتد و چێلسی.

بابه‌تێن ب ڤێ مژارێ ڤه‌ گرێدای