پۆستێ سوپاسالارێ ئیراقێ بۆ کوردان ئێکلا بوویە

پۆستێ سوپاسالارێ ئیراقێ بۆ کوردان ئێکلا بوویە

وار – دهۆک :

پۆستێ سوپاسالارێ ئیراقێ بۆ کوردان ئێکلا بوویە و ھەرێما کوردستانێ ژی ل ھیڤییا دەرکەفتنا راسپاردنا ھەرێمێ یە ژ ئالییێ عەبادی ڤە دا فەریقێ ئێکێ “ئەنوەر حەمە ئەمین” ل شوونا بابەکر زێباری دەستبکار ببیت.
شاخەوان عەبدولللا، ئەندامێ لژنەیا ئێمناھی و بەرگرییێ ل پەرلەمانی ئیراقی د داخویانییەکا رۆژنامەڤانی دا راگەھاند: پۆستێ سوپاسالارێ ئیراقێ بۆ کوردان ئێکلا بوویە و ھەڤپەیمانییا کوردستانی ژی فەریقێ ئێکێ فرۆکەڤان “ئەنوەر حەمە ئەمین” و فەرماندارێ ھێزا ئاسمانی ب ئاوایەکێ فەرمی ژ بۆ شوونگرتنا بابەکر زێباری، سوپاسالارێ خانەنشینکری یێ ئیراقێ، کاندید کرییە.
شاخەوانی دیار ژی کر کو ھەرێما کوردستانێ ل ھیڤییا دەرکەفتنا راسپاردنا ھەرێمێ یە ب ئاوایەکێ فەرمی ژ ئالییێ عەبادی ڤە دا فەریقێ ئێکێ “ئەنوەر حەمە ئەمین” ل شوونا بابەکر زێباری دەستبکار ببیت.
بابەکر زێباری، سوپاسالارێ ئیراقێ یێ بەرییا نھا ل بیست و نەھی خزیرانێ ھاتە خانەنشینکرن و زێباری د رۆنکرنەکێ دا دیار کربوو کو وی ب خوە داخوازنامەیا فەرمی یا خانەنشینبوونێ پێشکێشی عەبادی کربوو.

بابه‌تێن ب ڤێ مژارێ ڤه‌ گرێدای