پۆتین و ماکرۆن کۆمبوون

پۆتین و ماکرۆن کۆمبوون

WAAR-دهوك:

ئیمانوێل ماکرۆن سەرۆکێ فرەنسا ل باژارێ مارسیلیا پێشوازی ل فلادیمیر پۆتین سەرۆکێ رۆسیا کر و باس ل چەندین تەوەرێن ھەڤپشک کر.
فلادیمیر پۆتین د چارچووڤەیێ سەرەدانا ئێک رۆژی یا فرەنسا دا لگەل ھەڤکیفی خوە یێ فرەنسی ئیمانوێل ماکرۆنی باس ل رەوشا سووریی و رێککەفتنا قەدەغەکرنا تیستێن ئەتۆمی کر.
سەرۆکێ رۆسیا ھەروەسا گۆت: وەلاتێ وی دلگرانە ژ کێشەیێن گرێدایی رێککەفتنا تێستێن چەکێن ئەتۆمی.
پۆتینی بەحسێ سووریێ ژی کر و دیارکر: بەری ئیمزاکرنا رێککەفتنێن سۆچی بۆ دروستکرنا دەڤەرا ئارام، وی دەمی گرۆپێن تۆندره‌وو کۆنترۆل ل سەر پێنجی ژ سەدێ یا وان دەڤەران کربوو، لەورا مۆسکۆ پشتەڤانیێ ل حکومەتا سووریێ دکەت بۆ ژناڤبرنا وان مەترسیێن تیرۆرستان ب تەمامی.

بابه‌تێن ب ڤێ مژارێ ڤه‌ گرێدای