پۆتین: ئەمریکا و رۆسیا دشێن مفایی ژ هەڤدو ببینن

پۆتین: ئەمریکا و رۆسیا دشێن مفایی ژ هەڤدو ببینن

WAAR-دهۆك:

وەزیرێ دەرڤە یێ ئەمریکا ل مۆسکۆ ل گەل سەرۆکێ رۆسیا کۆم بوو و هەدو ئالییان هەبوونا نیەتا باشکرنا پەیوەندییان دیار کر.
ڤلادیمێر پۆتین، سەرۆکێ رۆسیا د کۆمبوونێ دا مایك پۆمپێیۆ هایدار کرییە کو مۆسکۆ دخوازیت پەیوەندیێن باش ل گەل واشنتۆن هەبن داکو هەردو ئالی مفایی ژ وان پەیوەندییان ببینن و پۆتینی دووپات کرییە، ل سەر دەمێ ئیدارەیا ترامپی، پەیوەندی تا رادەیەکێ کێم باش بووینە و پار ئالۆگۆرییا بازرگانی ب رێژەیا پێنج ژ سەدێ زێدە بوویە.
ژ ئالیێ خوەڤە پۆمپێیۆی دیار کرییە، هەبوونا پەیوەندییان و هەماهەنگیێ د ناڤبەرا ئەمریکا و رۆسیا دا دەربارەی بابەتێن گرێدایی کۆریا باکۆر، ئەفغانستان و گەلەک بابەتێن دی، دێ د بەرژەوەندییا هەموو جیهانێ دابیت.
پۆمپێیۆ دوهی ب سەرەدانەکا فەرمی گەهشتبوو رۆسیا و بەری ل گەل پۆتینی کۆم ببیت، ل باژێڕێ سووچی ل گەل سێرگی لاڤرۆڤ، وەزیرێ دەرڤە یێ رۆسیا پرسێن گرێدایی رێککەفتنێن چەکی یێن ئەمریکی – رۆسی، پرسا ئیرانێ، کۆریا باکۆر ، سووریا و بابەتێ مایتێکرنا رۆسیا د هەلبژارتنێن سەرۆکاتییا ئەمریکا دا گۆتوبێژ کربوون.

بابه‌تێن ب ڤێ مژارێ ڤه‌ گرێدای