په‌یه‌دێ به‌رسڤا ئه‌ردۆگانی دا

په‌یه‌دێ به‌رسڤا ئه‌ردۆگانی دا

وار – دهوك :
په‌یه‌ده‌: هه‌موو دونیا دزانیت کو ئه‌ردۆگان پشته‌ڤانییا تیرۆرستێن داعش و نوسره‌یێ دکه‌ت
ئه‌ندامه‌کێ کۆمیته‌یا جێبجێکار یا په‌یه‌دێ به‌رسڤا سه‌رۆکوه‌زیرێن تورکییێ دا کو گۆتبوو په‌یه‌ده‌و یه‌په‌گه‌تیرۆرستن و گۆتی: پیڤه‌رێ ئه‌ردۆگانی ژ بۆ تیرۆرێ جودا یه‌و هه‌موو دونیا دزانیت کو ئه‌و پشته‌ڤانییا تیرۆرستێن داعش و نوسره‌یێ دکه‌ت.
پشتی کو ره‌جه‌ب ته‌یب ئه‌ردۆگان، سه‌رۆککۆمارێ تورکییێ گۆتی:”پارتییا یه‌کێتییا دیمۆکراتیک په‌یه‌ده‌و یه‌کینه‌یێن پاراستنا گه‌ل یه‌په‌گه‌تیرۆرستن و هیڤییه‌ئه‌مریکا پێداچوونا بۆچوون و نێرینێن خوه‌بکه‌ت” عه‌بدولسه‌لام مسته‌فا، ئه‌ندامێ کۆمیته‌یا جێبجێکار یا په‌یه‌دێ د داخویانییه‌کێ دا گۆتی: پیڤه‌رێ ئه‌ردۆگانی جودا یه‌، کو ئه‌و به‌ره‌یا نوسره‌و داعشێ وه‌ک تیرۆریست نابینیت، لێ په‌یه‌دێ وه‌ک تیرۆریست دبینیت.
مسته‌فایی گۆت ژی: هه‌موو دونیا دزانیت په‌یه‌ده‌پارته‌کا سیاسی یا رۆژئاڤایه‌و دزانیت کا په‌یه‌دێ چه‌وا ب هزاران وه‌لاتییێن رۆژئاڤا و کوردێن ئێزدی ژ تیرۆرێ رزگار کرن و ته‌ڤ پێکهاته‌یێن رۆژئاڤا دپارێزیت و هه‌موو ژی جهێ خوه‌تێدا دکه‌ن، و گه‌ر ئه‌ردۆگان وه‌ک خوه‌ببینیت، ئه‌و پیڤه‌رێن وی نه‌، لێ هه‌موو دونیا دزانیت ژی کو ئه‌ردۆگان پشته‌ڤانییا تیرۆرستێن داعش و نوسره‌یێ دکه‌ت و ژ به‌ر کو هه‌موو دزانن، پێدڤی ناکه‌ت وه‌ک به‌رسڤه‌ک بۆ داخویانییێن وی، زێده‌شرۆڤه‌بهێته‌کرن.

بابه‌تێن ب ڤێ مژارێ ڤه‌ گرێدای