په‌كه‌كه‌: ئه‌مریكا پشته‌ڤانییا ژناڤبرنا كوردان دكه‌ت

په‌كه‌كه‌: ئه‌مریكا پشته‌ڤانییا ژناڤبرنا كوردان دكه‌ت

WAAR-دهۆك:

هه‌ڤسه‌رۆكێ ده‌سته‌یا رێڤه‌به‌ر یا كۆما جڤاكێن كوردستانێ، كه‌جه‌كێ راگه‌هاند؛ ئه‌مریكا پشته‌ڤانییا ژناڤبرنا كوردان دكه‌ت و هه‌ڤپه‌یمانییا نێڤده‌وله‌تی نه‌ ل دژی داعشێ، به‌لكو ل دژی په‌كه‌كێ چێكربوو.
جه‌میل بایك، هه‌ڤسه‌رۆكێ كه‌جه‌كێ بۆ میدیایێن په‌كه‌كێ گۆت: هه‌ڤپه‌یمانییا نێڤده‌وله‌تی یا دژی داعشێ، دره‌وه‌كا ئه‌مریكا بوو، ژ به‌ركو ئارمانجا وێ ژناڤبرنا داعشێ نه‌بوو، به‌لكو ژناڤبرنا په‌كه‌كێ و رازیكرنا توركیا بوو و ئه‌ڤه‌ ب ئاشكرایی ل سووریا دیاربوو، ده‌ما كو ئه‌مریكا رێ ژ بۆ هێرشا سه‌ر عه‌فرینێ خوه‌ش كری.
گۆت ژی: ئه‌مریكا چ رۆلێ گرنگ ل سووریێ نه‌بوو و تنێ ب هنده‌ك هێرشێن ئاسمانی پشكداری شه‌ڕی دبوو، به‌رۆڤاژی شه‌ڕێ گران هه‌موو ل سه‌ر ملێن شه‌رفانێن كورد بوو.
جه‌میل بایكی ئه‌مریكا ب پشته‌ڤانا ژناڤبرنا كوردان ناڤكر و گۆت: بۆ رازیكرنا توركیا، ئه‌مریكا ئاماده‌یه‌ هه‌ر كاره‌كی ل دژی كوردان بكه‌ت.

بابه‌تێن ب ڤێ مژارێ ڤه‌ گرێدای