په‌روه‌ردێ راگه‌هاندنه‌ك لدۆر قۆتابییا نیقاب كری به‌لاڤكر

په‌روه‌ردێ راگه‌هاندنه‌ك لدۆر قۆتابییا نیقاب كری به‌لاڤكر

WAAR-دهۆك:

وه‌زاره‌تا په‌روه‌ردێ ئه‌ڤرۆ راگه‌هاندنه‌ك لدۆر قۆتابییا نیقاب كری به‌لاڤ كر و راگه‌هاند؛ گوهارتنا جهێ وێ، چ په‌یوه‌ندییه‌ك ب راپێچ و نیقابا وێڤه‌ نینه‌.
لژنا رێكخستنا مه‌راسیما راگه‌هاندنا ئه‌نجامێن ئه‌زموونێن گشتی ل وه‌زاره‌تا په‌روه‌ردێ، ئه‌ڤرۆ راگه‌هاندنه‌ك لدۆر وێ قۆتابییا نیقاب كری كو د رێوره‌سمان دا جهێ وێ ژ رێزا ئێكێ بۆ یا دویێ هاتییه‌ گوهارتن به‌لاڤكر و راگه‌هاند؛ گوهارتنا جهێ وێ چ په‌یوه‌ندییه‌ك ب كارێ وێ و راپێچا وێ ڤه‌ نینه‌.
لژنێ دیاركرییه‌، قۆتابییا نیقاب ل به‌ر خوه‌ كری، سه‌ركه‌فتییا دوێ یه‌ و ژبه‌ركو رێزبه‌ندییا قوتباییان وه‌ها هاتییه‌ رێكخستن كو سه‌ركه‌فتیێن ئێكێ ل رێزا ئێكێ بن، یێن دویێ ژی ل رێزا دویێ و سه‌ركه‌فتیێن سێ یێ ژی ل رێزا داویێ، له‌و جهێ وێ قۆتابییا راپێچای ژ رێزا ئێكێ بۆ یا دویێ هاتییه‌ گوهارتن.
د به‌یانا لژنێ دا هاتییه‌: جهێ داخێ یه‌ هه‌ژماره‌كا كه‌سان ل تورێن جڤاكی و بۆ مه‌به‌سته‌كا دیاركری بانگه‌شه‌یێن دووری راستیێ به‌لاڤكرینه‌ و بزاڤ كرینه‌ وێنه‌ی وه‌ها ڤه‌گوهێزن كو ژبه‌ر نیقابێ جهێ وێ قۆتابیێ هاتییه‌ گوهارتن.
لژنه‌یا رێكخستنا مه‌راسیما راگه‌هاندنا ئه‌نجامان ئه‌و یه‌ك راگه‌هاند و پشتراست كرییه‌ كو چ نییه‌تا دی ل پشت ئه‌وێ بوویه‌رێ نه‌بوویه‌.

بابه‌تێن ب ڤێ مژارێ ڤه‌ گرێدای