په‌رله‌مانێ كوردستانێ سكالا ل دژى قانوونا هه‌لبژارتنێن جڤاتێن پارێزگه‌هان تۆمار كر

په‌رله‌مانێ كوردستانێ سكالا ل دژى قانوونا هه‌لبژارتنێن جڤاتێن پارێزگه‌هان تۆمار كر

WAAR-دهۆك:

په‌رله‌مانێ كوردستانێ ئه‌ڤرۆ ل دادگه‌ها فیدرالى سكالا ل دژى بریارا هه‌لبژارتنێن جڤاتێن پارێزگه‌هان تۆمار كر.
جوان یوونس رۆژبه‌یانى، سه‌رۆكا لژنه‌یا ده‌ڤه‌رێن كوردستانێ راگه‌هاند: په‌رله‌مانێ كوردستانێ ژ بریارا په‌ڕله‌مانێ ئیراقێ یا هه‌لبژارتنێن جڤاتێن پارێزگه‌هان نه‌رازییه ‌و هنده‌ك برگه‌یێن وێ ل دژى كه‌توارێ نها نه‌، ژ وان ژى پشكدارییا خه‌لكێ كه‌ركووك و نه‌ینه‌وا د هه‌لبژارتنان دا ل سه‌نته‌رێ وان باژاران، كو مه‌حاله‌ د ڤێ ره‌وشا سه‌ربازى دا ئاواره‌ بۆ ده‌نگدانێ ڤه‌گه‌رن باژارێن خوه‌.
گۆت ژى، هێشتا تۆمارا ده‌نگده‌ران ل كه‌ركووك و مووسلێ نه‌ هاتییه‌ پاقژكرن و هه‌ر هه‌لبژارتنه‌ك د ڤى ده‌م و ره‌وشێ دا دێ كاریگه‌ریێن خراپ هه‌بن.
سه‌رۆكا لژنه‌یا ده‌ڤه‌رێن كوردستانێ دا زانین ژى: ئه‌ڤرۆ وان ب فه‌رمى ل دادگه‌ها فیدرالى سكالا قانوونى تۆماركرییه‌ و ل هیڤیا به‌رسڤا دادگه‌هێ یه‌.

بابه‌تێن ب ڤێ مژارێ ڤه‌ گرێدای