په‌رله‌مانێ كوردستانێ دێ په‌یره‌وێ ناڤخوه‌ راستڤه‌كه‌ت

په‌رله‌مانێ كوردستانێ دێ په‌یره‌وێ ناڤخوه‌ راستڤه‌كه‌ت

WAAR-دهۆك:

په‌رله‌مانێ كوردستانێ رۆژا سێشه‌مبا بهێت دێ ده‌ست ب روونشتنێن خوه‌ كه‌ت و خواندنا ئێكێ بۆ ژماره‌كا پرۆژه‌قانوونان كه‌ت.
د راگه‌هاندنه‌كێ دا سه‌رۆكاتییا په‌ڕله‌مانێ كوردستانێ، بانگه‌وازه‌ك ئاراسته‌ى هه‌موو په‌رله‌مانتاران كرییه‌، كو رۆژا سێشه‌مبى سعه‌ت یازده‌ى سپێدێ، ئاماده‌ى روونشتنا ئاسایى یا ژماره‌ ئێك ژ سالا ئێكێ یا خولا هه‌لبژارتى یا پێنجێ یا په‌رله‌مانى ببن، كو دێ خواندنا ئێكێ بۆ ژماره‌یه‌كا پرۆژه‌یان هێت كرن.
سه‌رۆكاتییا په‌رله‌مانى دیار كرییه‌، خالا ئێكێ یا روونشتنێ، نیشاندانا راپۆرته‌كێ یه‌ ل دۆر پشكدارییا په‌رله‌مانى د كۆنگرێ په‌رله‌مانێن ئاسیا دا، هه‌روه‌ها خالێن دى ژى خواندنا ئێكێ یا ژماره‌یه‌كا پرۆژه‌یانه‌، ژ وان ژى، راستڤه‌كرنا په‌یره‌وێ ناڤخوه‌ یێ په‌رله‌مانى و پرۆژێ قاچاغیكرن ب په‌ترۆلێ.
هه‌روه‌ها پرۆژه‌ قانوونا فیدرالى یا پاراستنا به‌رهه‌مێن ئیراقى و ئێكخستنا قه‌پانه‌یان و قانوونا فیدرالى یا ئیمزایا ئه‌لكترۆنى و چه‌ندین پرۆژێن دى، دێ خواندنا ئێكێ بۆ هێت كرن و راپۆرته‌ك ژى ل دۆر ژمارا روونشتڤانێن هه‌رێمێ هێت خواندن.
ل گۆره‌ى زانیارییێن ب ده‌ست وار كه‌فتین، بۆ وه‌رزێ نوویێ یاسادانانێ، بیست و هه‌شت پرۆژه‌ بریار و قانوون ل به‌ر ده‌ستێ سه‌رۆكاتییا په‌رله‌مانى نه‌، كو دیارترین ژێ پرۆژێ چاكسازییا مووچه‌و خانه‌نشینییێ و پرۆژه ‌ده‌ستوورێ هه‌رێما كوردستانێ نه‌.

بابه‌تێن ب ڤێ مژارێ ڤه‌ گرێدای