په‌رله‌مانێ ئیراقێ سوبه‌ دێ كۆم بیت

په‌رله‌مانێ ئیراقێ سوبه‌ دێ كۆم بیت

WAAR-دهۆك:

په‌رله‌مانێ ئیراقێ ب نیازه‌ سوبه‌ كۆم ببیت و گۆتوبێژا داوی پێشهاتان و به‌رده‌وامیا خوه‌نیشاندانان بكه‌ت، سه‌رۆك وه‌زیرێن ئیراقێ ژی به‌رهه‌ڤی روونشتنێ نابیت.
چاڤه‌رێ دهێت كرن سوبه‌ رۆژا شه‌مبیێ په‌رله‌مانێ ئیراقێ كۆم ببیت و ده‌نگی ل سه‌ر پرۆژه‌ قانوونا خانه‌نشینیێ بده‌ت، هه‌روه‌ها گۆتوبێژا كارێن لژنه‌یا راستڤه‌كرنا ده‌ستووری بكه‌ت، عادل عه‌بدولمه‌هدی سه‌رۆكێ وه‌زیران ژی به‌رهه‌ڤی روونشتنێ نابیت.
به‌ری روونشتنا په‌رله‌مانێ، هه‌ر سوبه‌ فراكسیۆنێن په‌رله‌مانی دێ كۆم بن و گۆتوبێژا داخوازیێن خوه‌نیشانده‌ران كه‌ن.
په‌رله‌مانێ ئیراقێ ب نیازه‌ لێپرسینێ دگه‌ل عادل عه‌بدولمه‌هدی سه‌رۆكێ وه‌زیران بكه‌ت و ژ بۆ وێ ئارمانجێ، داخوازا لێپرسینێ دێ بۆ جڤاتا وه‌زیران هێت ئاراسته‌ كرن، هه‌ڤپه‌یمانیا سائیروون ژی دیاركریه‌، لێپرسینا عه‌بدولمه‌هدی دێ د حه‌فتییا بهێت دا بیت.

بابه‌تێن ب ڤێ مژارێ ڤه‌ گرێدای