په‌رله‌مانێ ئیراقێ دێ 7 پرۆژه‌قانوونان گۆتوبێژ كه‌ت

په‌رله‌مانێ ئیراقێ دێ 7 پرۆژه‌قانوونان گۆتوبێژ كه‌ت

WAAR-دهۆك:

په‌رله‌مانێ ئیراقێ ل ده‌ستپێكا حه‌فتییا بهێت دێ ده‌ست ب وه‌رزێ خوه‌ یێ یاسادانانێ كه‌ت و د ئێكه‌م كۆمبوون دا كو دێ ل شه‌مبییێ بیت، 7 پرۆژه‌قانوون دێ هێن گۆتوبێژكرن.
په‌رله‌مانێ ئیراقێ ل رۆژا شه‌مبییێ، چارده‌یی ئیلۆنێ دێ ئێكه‌م روونشتنا وه‌رزێ سێیێ یێ یاسادانانێ كه‌ت و 7 پرۆژه‌قانوون د كارنامه‌یا روونشتنێ دا نه‌، دیارترین ژی پرۆژەقانوونا پشتەڤانیکرن و پاراستنا وەبەرھێنانا د نێڤبەرا ئیراقێ و سعوودییێ دا یە.
هه‌ر د روونشتنا شه‌مبیێ دا، 4 پرۆژەقانوونێن كو په‌رله‌مان دێ خواندنا دویێ بۆ كه‌ت، تایبەتن ب ئەندامبوونا ئیراقێ د ھندەک رێککەفتنێن نێڤدەولەتی دا.
پەرلەمانێ ئیراقێ، ل به‌ره‌ د وەرزێ نوو یێ یاسادانانێ دا، لێپرسینێ د گەل 5 وەزیران دا بكه‌ت و ژ بۆ هه‌مان مه‌ره‌مێ، مێهڤاندارییا عادل عه‌بدولمه‌هدی، سه‌رۆكێ وه‌زیران بكه‌ت.

بابه‌تێن ب ڤێ مژارێ ڤه‌ گرێدای