په‌رله‌مانێ ئیراقێ دێ گۆتوبێژا هنارتنا په‌ترۆلا هه‌رێمێ كه‌ت

په‌رله‌مانێ ئیراقێ دێ گۆتوبێژا هنارتنا په‌ترۆلا هه‌رێمێ كه‌ت

WAAR-دهۆك:

پەرلەمانێ ئیراقێ سوبه‌ دێ كۆم بیت و گۆتوبێژا پرسا هنارتنا په‌ترۆلا هه‌رێما كوردستانێ كه‌ت، نوونه‌رێ سه‌رۆكوه‌زیرێن ئیراقێ و وه‌زیرێن په‌ترۆلێ و دارایی ژی دێ به‌رهه‌ڤی روونشتنێ بن.
په‌رله‌مانێ ئیراقێ سوبه‌ رۆژا پێنجشه‌مبێ دێ روونشتنا خوه‌ یا هه‌ژمار 32 ب ئاماده‌بوونا نوونه‌رێن عادل عه‌بدولمه‌هدی سه‌رۆكوه‌زیرێ ئیراقێ و وه‌زیرێن دارایی و په‌ترۆلێ گرێده‌ت و تێدا دێ گۆتوبێژ ل سه‌ر په‌ترۆلا هه‌رێما كوردستانێ و جێبه‌جێكرنا قانوونا بودجه‌ی هێت كرن.
د روونشتنا دوشه‌مبا بۆری یا په‌رله‌مانی دا، سه‌رۆكاتییا په‌رله‌مانی رازیبوو پرسا په‌ترۆلا هه‌رێمێ بهێت گۆتوبێژ كرن، پشتی هه‌ژماره‌كا په‌رله‌مانتاران ئه‌و داخوازییه‌ كری.
ل گۆری راگەھاندنەکا سەرۆکاتییا پەرلەمانی، ھەر ئالییه‌كێ گۆتوبێژ و پرسێن نەگونجای و ژده‌رڤه‌ی قانوونا بودجه‌ی ل سه‌ر په‌ترۆلا هه‌رێما كوردستانێ بكه‌ت، دێ رێكارێن قانوونی ژ ئالیێ پەرلەمانی ڤە بۆ هه‌بن.

بابه‌تێن ب ڤێ مژارێ ڤه‌ گرێدای