په‌رله‌مانێ ئیراقێ دێ قه‌ره‌بوویا جۆتیاریێن ده‌خلودانێ وان سۆتی، گۆتوبێژ كه‌ت

په‌رله‌مانێ ئیراقێ دێ قه‌ره‌بوویا جۆتیاریێن ده‌خلودانێ وان سۆتی، گۆتوبێژ كه‌ت

WAAR-دهۆك:

په‌رله‌مانێ ئیراقێ ئه‌ڤرۆ كۆم دبیت و 16 خال د كارنامه‌یا روونشتنێ دانه‌، دیارترین ئێك، سۆتنا ده‌خلودانی، قه‌یرانا ئاكنجیبوونێ و دادگه‌ها فیدراله‌.
چاڤه‌رێ دهات كرن، ئه‌ڤرۆ په‌رله‌مانێ ئیراقێ ل سات 11ی سپێدێ كۆم ببیت، لێ ژبه‌ر ته‌مامنه‌بوونا نیسابا قانوونی روونشتن بۆ نیڤ ساتێ هات پاشئێخستن، 16 پرۆژه‌ قانوون و پرسێن گرنگ ژی د كارنامه‌یا روونشتنێ دانه‌.
د روونشتنا ئه‌ڤرۆ دا، په‌رله‌مان دێ به‌حسا قه‌یرانا ئاكنیجبوونێ، سۆتنا ده‌خلودانی، كه‌ت، هه‌روه‌ها دێ ده‌نگی ل سه‌ر پۆستێن رێڤه‌به‌رێ ئۆفیسا سه‌رۆكێ وه‌زیران و ئه‌میندارییا گشتی یا جڤاتا وه‌زیران ده‌ت.
زانیاری ئاماژه‌ دكه‌ن، په‌رله‌مان ئه‌ڤرۆ دێ ده‌نگی ل سه‌ر پرسا قه‌ره‌بوویا جۆتیارێن زیانڤێكه‌فتی كه‌ت كو د وه‌رزێ ئه‌ڤساله‌ دا، زه‌ڤیێن وان یێن ده‌خلودانی هاتینه‌ سۆتن.
پرۆژه‌ قانوونا دادگه‌ها فیدرال، چاپخانه‌یێن ئه‌هلی و ئه‌ندامبوونا ئیراقێ د چه‌ندین رێككه‌فتنێن ناڤده‌وله‌تی ژی دا، دێ هێن گۆتوبێژ كرن.

بابه‌تێن ب ڤێ مژارێ ڤه‌ گرێدای