په‌رله‌مانێ ئیراقێ ده‌نگی ل سه‌ر هه‌لبژارتنێن پارێزگه‌هان دده‌ت

په‌رله‌مانێ ئیراقێ ده‌نگی ل سه‌ر هه‌لبژارتنێن پارێزگه‌هان دده‌ت

WAAR-دهۆك:

په‌رله‌مانێ ئیراقێ ئه‌ڤرۆ روونشتنا خوه‌ یا هه‌ژمار 34 گرێدا، ده‌نگدان ل سه‌ر پرۆژه‌ قانوونا هه‌لبژارتنێن پارێزگه‌هان، هه‌روه‌ها گۆتوبێژا 3 پرۆژه‌یێن دی، كارنامه‌یا روونشتنێ یه‌.
سه‌لاح بامه‌رنی په‌یامنێرێ وار ل به‌غدا دیاركر، په‌رله‌مانێ ئیراقێ ئه‌ڤرۆ ل سات 2  نیڤێ پشتی نیڤرۆ، روونشتنا خوه‌ یا هه‌ژمار 34 ب سه‌رۆكاتییا محه‌مه‌د حه‌لبووسی گرێدا، ده‌نگدان ل سه‌ر راستڤه‌كرنا ئێكێ یا پرۆژه‌قانوونا هه‌لبژارتنێن جڤاتێن پارێزگه‌هان، برگا ئێكی یا كارنامه‌یا روونشتنێ یه‌.
د روونشتنا ئه‌ڤرۆ دا، بریاره‌ په‌رله‌مان ده‌نگی ل سه‌ر پرۆژه‌ قانوونا ده‌سته‌یا بلندا ده‌ریاڤانی یا ئیراقی ژی بده‌ت، گۆتوبێژ ژی دێ ل دۆر 3  پرۆژه‌یێن دی هێت كرن، گرنگترین ئێك، پرۆژه‌یا دلنیایی یا ساخله‌میێ یه‌.
سه‌رۆكاتییا په‌رله‌مانێ ئیراقێ ل ڤێ حه‌فتیێ دگه‌ل سه‌رۆكێن جڤاتێن پارێزگه‌هان كۆمببوو و گۆتوبێژا گرنگترین راستڤه‌كرنان د پرۆژه‌ قانوونا پارێزگه‌هان دا كر، حه‌سه‌ن كه‌عبی جێگرێ ئێكێ یێ سه‌رۆكێ په‌رله‌مانی ژی راگه‌هاندبوو؛ هه‌لبژارتن دێ ل ده‌ما خوه‌ ل نیسانا سالا بهێت، هێنه‌ كرن.

بابه‌تێن ب ڤێ مژارێ ڤه‌ گرێدای