په‌رله‌مانێ ئیراقێ ب ئاماده‌بوونا وه‌زیرێ په‌ترۆلێ كۆمبوو

په‌رله‌مانێ ئیراقێ ب ئاماده‌بوونا وه‌زیرێ په‌ترۆلێ كۆمبوو

WAAR-دهۆك:

په‌رله‌مانێ ئیراقێ ئه‌ڤرۆ ب سه‌رۆكاتییا محه‌مه‌د حه‌لبووسی كۆمبوو و وه‌زیرێ په‌ترۆلێ ژی مێهڤان كر، سه‌رۆكێن چه‌ندین لژنه‌یان ژی دیاركرن.
سه‌لاح بامه‌رنی په‌یامنێرێ وار ل به‌غدا دیاركر، په‌رله‌مانێ ئیراقێ ئه‌ڤرۆ روونشتنا هه‌ژمار بیست و ئێك ژ وه‌رزێ دویێ یێ یاسادانانێ گرێدا و سامر غه‌زبان وه‌زیرێ په‌ترۆلا ئیراقێ ژی مێهڤان كر و پرسێن په‌رله‌مانتاران به‌رسڤدان.
وه‌زیرێ په‌ترۆلێ راگه‌هاند ئه‌و رێزێ ل ده‌ستهه‌لاتا یاسادانانێ دگرن و هه‌روه‌ها كارێ لژنه‌یێن په‌رله‌مان كو ژبۆ چاڤدێریێ ده‌ستنیشان كرینه‌.
د روونشتنا ئه‌ڤرۆ دا، په‌رله‌مانی سه‌رۆكێن چه‌ندین لژنه‌یان ژی دیاركرن، ژ وان لژنه‌یا په‌یوه‌ندیێن ده‌رڤه‌، شێركو محه‌مه‌د سالح په‌رله‌مانتارێ ئێكه‌تیێ سه‌رۆكاتییا وێ وه‌رگرت.
هه‌روه‌ها په‌رله‌مانتار حه‌سه‌ن ئه‌ل مه‌سعوودی ژ ره‌وتا حكمه ‌وه‌ك جێگرێ سه‌رۆكێ لژنه‌یا خواندنا بلند و په‌رله‌مانتار ته‌ها حه‌مه‌ئه‌مین وه‌ك بریارده‌ر هاتن دیاركرن.
قه‌یرانا ئاكنجیبوونێ، پرسێن گرێدای باجێ و پرۆژه‌قانوونێن سه‌ندیكایێن په‌رستار و جیۆلۆجییان د كارنامه‌یا روونشتنا ئه‌ڤرۆ یا په‌رله‌مانی دانه‌.

بابه‌تێن ب ڤێ مژارێ ڤه‌ گرێدای