په‌ترۆلهه‌لگره‌كا چینی ژ بەر سزایێن ئەمریکا ناڤێ خوه‌ گوهارت‌

په‌ترۆلهه‌لگره‌كا چینی ژ بەر سزایێن ئەمریکا ناڤێ خوه‌ گوهارت‌

WAAR- دهوك:

په‌ترۆلهه‌لگره‌كا مه‌زن یا چینی كو په‌ترۆلا ئیرانێ باركربوو‌، داكو خوه ‌ژ سزایێن ئه‌مریكا رزگاربكه‌ت، ناڤێ خوه‌گوهارتییه‌ و ده‌ستهه‌لاتدارێن چینێ بێئاگه‌هبوونا خوه‌ ژ وێ چه‌ندێ راگه‌هاند.
ئاژانسا رویته‌رز د راپۆرته‌كا خوه‌ دا ئاشكه‌را كر: په‌ترۆلهه‌لگرا پاسیفیك براڤۆ یا چینی به‌ر ب ته‌نگئاڤا مه‌له‌گا ڤه‌دچوو و پاشان ل سه‌ر شاشه‌یێن راداران به‌رزه‌بوویه‌، ژ به‌ركو سیسته‌مێ جی پی ئێس ڤه‌مراندییه ‌و دووڤدا ب دووراتییا 1500 كیلۆمه‌تران ب ناڤێ لاتین ڤانچور دیاربوویه‌.
دیار ژی كر: به‌رپرسێن ئه‌مریكا هوشداری داییه ‌رێڤه‌به‌ریێن به‌نده‌ران كو رێنه‌ده‌ن ئه‌و كه‌شتییه‌ ب راوه‌ستیت، لێ پشتی 42 رۆژان بارێ خوه ‌یێ په‌ترۆلێ ڤاله‌كرییه.
رویته‌رزێ زێده‌تر به‌لاڤكر: ئه‌و جۆرێ كه‌شتییان نێزیكی 2 ملیۆن به‌رمیلێن په‌ترۆلێ بار دكه‌ن كو بهایێ وێ نێزیكی 120 ملیۆن دۆلارانه‌.
ژ ئالیێ خوه ‌ڤه‌په‌یڤدارێ وه‌زاره‌تا ده‌رڤه‌یا چینێ بێئاگه‌هییا وه‌لاتێ خوه‌ ژ وێ چه‌ندێ دیاركر.

بابه‌تێن ب ڤێ مژارێ ڤه‌ گرێدای